ទោះបច្ចុប្បន្នអត់មានការងារធ្វើ ក៏មានក្រុមខ្លាំងមួយនៅអាល្លឺម៉ង់ចង់បានលោក Allegri ទៅដឹកនាំបន្ទាន់ដែរ
យោងតាមសារព័តមាន Corriere dello Sport បានអោយដឹងថា Bayern Munich ចង់បានអតីតគ្រូបង្វឹកក្រុមសេះបង្កង់ Juventus មកដឹកនាំជំនួសលោក Niko Kovac ដែលកំពុងធ្វើមិនបានល្អសំរាប់រដូវកាលថ្មី។
លោក Niko Kovac កំពុងត្រូវបានក្រុមពិចារណាបណ្តេញចេញក្រោយពីបរាជ័យ ៥-១ ក្រោមថ្វីជើង Eintracht Frankfurt កាលពីរាត្រីថ្ងៃសៅរ៍កន្លងទៅ ខណៈដែលលោក Massimiliano Allegri មិនទាន់មានការងារធ្វើនៅឡើយក្រោយពីបញ្ចប់អាជីពដឹកនាំក្រុម Juventus ត្រឹមរដូវកាល ២០១៨-២០១៩ និងនាំក្រុមឈ្នះពាន Serie A ៥សម័យកាលជាប់គ្នា។
ក្នុងនោះគ្រូបង្វឹករបស់មាន់ខ្នាយមាស Spur និងលោក Erik ten Hag គ្រូបង្វឹករបស់ Ajax ក៏ត្រូវបានភ្នាក់ងាររបស់ Bayern Munich ទំនាក់ទំនងដែរ។ ចំណែកលោក Allegri ក៏ធ្លាប់ត្រូវបានក្រុមបិសាចក្រហមទាក់ទងមកដឹកនាំផងដែរ៕
