Man UTD ពិភាក្សារឿងផ្ទេរអ្នកចាំទី Butland
Manchester United កំពុងពិភាក្សាជាមួយអ្នកចាំទី Jack Butland របស់ Crystal Palace អំពីការផ្លាស់ប្តូរទៅកាន់កីឡដ្ឋាន Old Trafford ។
លោក Erik ten Hag អ្នកចាត់ការទូទៅបិសាចក្រហមត្រូវការអ្នកចាំទីដៃទី២ដើម្បីជួយ David de Gea បន្ទាប់ពី Newcastle United យក Martin Dubravka ទៅវិញ។
Butland នៅ Crystal Palace តាំងពីឆ្នាំ ២០២០ ប៉ុន្តែបានបង្ហាញខ្លួននៅ Premier League ត្រឹមតែ១០ដងប៉ុណ្ណោះ ហើយមិនទាន់បានលេងនៅរដូវកាលនេះទេ។
កិច្ចសន្យារបស់កីឡាករវ័យ២៩ឆ្នាំនៅ Selhurst Park នឹងផុតកំណត់នៅរដូវក្តៅ។
Butland ជាប់ជម្រើសជាតិអង់គ្លេសចំនួន៩លើក និងស្ថិតក្នុងក្រុមរបស់លោក Gareth Southgate ក្នុងព្រឹត្តិការណ៍ World Cup 2018៕
