ក្រុមចាញ់អង់គ្លេស ធ្លាក់ចេញពីវគ្គចែកពូល FIFA World Cup 2022 ប្រធានក្រុម Gareth Bale អះអាងថា នឹងបន្តលេងឲ្យក្រុមជម្រើសជាតិវេលស៍ ដរាបណាក្រុមនៅតែត្រូវការរូបគេ។

បរាជ័យ៣ទល់នឹង០ក្រោមថ្វីជើងក្រុមតោកំណាច មានន័យថា វេលស៍បញ្ចប់ត្រឹម​បាតតារាង​ពូល B។

Bale វ័យ៣៣ឆ្នាំ និយាយថា នឹងចូលរួមជួយក្រុមក្នុងវគ្គជម្រុះ Euro 2024 ក្នុងខែមីនា ឆ្នាំ២០២៣។

“ខ្ញុំនឹងបន្តជួយក្រុម ប្រសិនបើក្រុមត្រូវការ។ វាពិតជា​ពិបាក តែយើងនឹងបន្តវត្តមាន​ទៀត។ យើងត្រូវប្រកួតជម្រុះក្នុងខែមីនា។ យើងចង់បន្ត តែបានត្រឹមខកចិត្ត។ យើងនឹងបន្តដំណើររបស់យើងក្នុងខែមីនា។” នេះជាការថ្លែងរបស់ Bale។

មានពាក្យចចាមអារ៉ាមថា អតីតកីឡាករ Real Madrid និង Tottenham នឹងចូលនិវត្តន៍ក្រោយចប់ World Cup៕