ពានរង្វាន់ Best FIFA Football Awards 2020 បានរកឃើញម្ចាស់ជយលាភីអស់ហើយនៅរាត្រីថ្ងៃព្រហស្បតិ៍ ទី១៧ ខែធ្នូ។

ជាលទ្ធផល គឺ Robert Lewandowski បានពានកីឡាករល្អ, លោក Jurgen Klopp បានពានគ្រូល្អ, នាង Lucy Bronze បានពានកីឡាការិនីល្អ និង Sarina Wiegman បានពានគ្រូបង្វឹកនារីល្អ។

ទាក់ទងទៅនឹងការបោះឆ្នោតវិញ FIFA បានផ្ដល់សិទ្ធិដល់​គ្រូបង្គោលជម្រើសជាតិ, ប្រធានក្រុម និងអ្នកសារព័ត៌មានពីតាមបណ្ដាប្រទេសនីមួយៗដែលជាសមាជិក។

សម្រាប់កម្ពុជា មានលោក Felix Dalmas, ប្រធានក្រុម សឿយ វិសាល (ផ្នែកបុរស), លោក អ៊ុំ សាវង្ស, ប្រធានក្រុម សំរុិត និមល (ផ្នែកនារី) និងលោក អ៊ឺង ចំរើន តំណាងអ្នកសារព័ត៌មាន។

បើបញ្ជីបោះឆ្នោតពី FIFA គឺ សឿយ វិសាល បានផ្ដល់សម្លេងដល់ Cristiano Ronaldo, Kylian Mbappe និង Sergio Ramos។ លោក Felix បោះឆ្នោតឲ្យ Lionel Messi, Neymar និង Thiago Alcantara។ ចំណែកលោក អ៊ឹង ចំរើន បោះឲ្យ Robert Lewandowski, Sergio Ramos និង Mohamed Salah។ នេះជាការបោះសម្រាប់កីឡាករ។

ចំពោះគ្រូបង្វឹកវិញ វិសាល ជ្រើសរើសលោក Jurgen Klopp, លោក Zinedine Zidane និងលោក Julen Lopetegui។ លោក Felix វិញបោះឲ្យលោក Marcelo Bielsa, Hans-Dieter Flick និងលោក Julen Lopetegui។ លោក អុឹង ចំរើន បោះឲ្យលោក Hans-Dieter Flick, លោក Jurgen Klopp និងលោក Marcelo Bielsa។

លោក អុឹង ចំរើន

និយាយពីពានផ្នែកនារីវិញ ប្រធានក្រុមកម្ពុជា សំរុិត និមល បោះឲ្យកីឡាការិនី Ji So-yun, Pernille Harder និង Delphine Cascarino។ គ្រូបង្គោល អ៊ុំ សាវង្ស បោះឲ្យ Wendie Renard, Delphine Cascarino និង Lucy Bronze។ លោក អ៊ឹង ចំរើន វិញបោះឲ្យ Sam Kerr, Vivianne Miedema និង Pernille Harder។

លោក អ៊ុំ សាវង្ស កំពុងដឹកនាំក្រុម

ពានគ្រូនារីល្អ ប្រធានក្រុមកម្ពុជា សំរុិត និមល បោះឲ្យអ្នកស្រី Emma Hayes, Stephan Lerch និង Rita Guarino។  គ្រូបង្គោល អ៊ុំ សាវង្ស បោះឲ្យអ្នកស្រី Sarina Wiegman, Lluís Cortés និង Jean-Luc Vasseur។ លោក អ៊ឹង ចំរើន បោះឲ្យអ្នកស្រី Rita Guarino, Stephan Lerch និង Jean-Luc Vasseur។

កីឡាការិនី សំរុិត និមល

ខាងក្រោមជាលីងអ្នកបោះឆ្នោតផ្នែកនារី (២លើ) និងបុរស (២ក្រោម)

https://resources.fifa.com/image/upload/women-s-coach.pdf?cloudid=ehbugmctcgdbw4r0zb05

https://resources.fifa.com/image/upload/women-s-coach.pdf?cloudid=ehbugmctcgdbw4r0zb05

https://resources.fifa.com/image/upload/men-s-player.pdf?cloudid=zipdoy8d77nk8rxgnayp

https://resources.fifa.com/image/upload/men-s-coach.pdf?cloudid=fewk8jzbkqxgjdthofsb