ខ្សែប្រយុទ្ធ Cristiano Ronaldo បាន​ប្រាប់​ប្រធាន​ក្លិប Manchester Untied ថា រូប​គេនៅតែរក្សាជំហរសុំ​ចាកចេញ​ពីក្លិប អំឡុង​ពេល​​កិច្ចចរចា​​នៅ​ទីលាន​ហ្វឹកហាត់ Carrington កាល​ពី​ពេលកន្លងទៅ។នេះបើតាមការផ្សព្វផ្សាយពីសារពត៌មាន The Sun។

កីឡាករ​សញ្ជាតិ​ព័រទុយហ្គាល់វ័យ៣៧ឆ្នាំ ​បាន​​មក​ដល់​ទីក្រុង​ Manchester វិញ​កាល​ពី​ដើម​សប្ដាហ៍ បន្ទាប់​​ពី​​សុំ​ក្លឹប​សម្រាក​ក្រោមមូលហេតុ​គ្រួសារ។ ប៉ុន្តែ​ក្រោយ​មាន​ការ​ពិភាក្សា​គ្នា​ Ronaldo នៅ​តែ​រក្សា​ជំហរ​ចង់​ចាកចេញ​​ពី​កីឡដ្ឋាន Old Trafford ដដែល។​ មូលហេតុ​ធំ នៃការចង់ចាកចេញរបស់ Ronaldo ​ ​គឺ​ដើម្បី​បាន​​លេង​នៅ​ពាន​រង្វាន់ UEFA Champions League។

Cristiano Ronaldo ចង់​លេង​នៅ UEFA Champions League ២០​រដូវ​កាល​ជាប់​គ្នា​​សម្រាប់​អាជីព ខណៈ​រដូវ​កាល​ថ្មី Man United មាន​កៅអី​ត្រឹម​លេង​នៅ Europa League ប៉ុណ្ណោះ។ យ៉ាងណា បើទោះជា​ Ronaldo រក្សាជំហរចង់​ចេញពីក្លិប តែ Man Utd ក៏​នៅ​តែ​ប្រកាន់​ជំហរ​របស់​ខ្លួនដដែល​គឺ​មិន​ចង់​លក់រូបគេចេញនោះទេ៕ ​

-F11