លោក Julian Nagelsmann គ្រូបង្វឹក Bayern Munich បានបង្ហាញការងឿងឆ្ងល់ថា Barcelona ជាក្លិបដែលកំពុងមានបញ្ហាហិរញ្ញវត្ថុប៉ុន្តែពួកគេចាប់អារម្មណ៍ទិញបានកីឡាករជាច្រើនរូប។

ការលើកឡើងរបស់បុរសវ័យ៣៤ឆ្នាំ គឺបន្ទាប់ពីកាលពីពេលកន្លងBarcelona បានប្រកាសជួបបញ្ហាហិរញ្ញវត្ថុខ្លាំងដោយកំពុងជាប់បំណុល១ពាន់លានផោន តែពួកគេបែរជាអាចនាំយកកីឡាករជាច្រើនរូប ដូចជាកូនក្រុមរបស់លោក Robert Lewandowski តម្លៃ ៤២លានផោន ជាមួយកិច្ចសន្យារយៈពេលបីឆ្នាំ និង Raphinha តម្លៃជាង ៦០លានផោន ពី Leeds United មកបានផងដែរ។​ការចំណាយទាំងអស់នេះហើយ ទើបធ្វើឱ្យគ្រូបង្វឹក Bayern Munich ឆ្ងល់ក្នុងចិត្តជាខ្លាំង។

លោក Nagelsmann បាននិយាយថា “Barcelona ជា ក្លិបមួយដែលគ្មានលុយ ប៉ុន្តែ ពួកគេទិញគ្រប់កីឡាករទាំងអស់ដែលគេចង់បាន។ ខ្ញុំមិនដឹងថាពួកគេធ្វើវាដោយវិធីណាទេ វាមើលទៅពិតជាចម្លែកខ្លាំងណាស់។”

ក្រៅពីការទិញកីឡាករបន្ថែមនៅតំបន់បម្រើ និង ប្រយុទ្ធរួចហើយ ពេលនេះ ក្លិប Barcelona ក៏ត្រូចបានរាយការ៍ថា ចង់នាំយកកីឡាករបន្ថែមទៀត នៅតំបន់ការពាររបស់ពួកគេផងដែរ៕

F11