លោក Jurgen Klopp អ្នកចាត់ការ Liverpool បានខកចិត្តខ្លាំង​ដែលក្រុមរបស់លោកបានប្រកួតចាញ់ Manchester United ក្នុងជំនួបក្របខណ្ឌ Premier League សប្ដាហ៍ទី០៣ នៅថ្ងៃចន្ទ ទី២២ ខែសីហា ​ដោយលទ្ធផល២ទល់នឹង១។ នេះក៏ជាការចាញ់របស់លោក Klopp ក្រោមថ្វីជើង Man UTD ជាលើកដំបូងចាប់ពីឆ្នាំ២០១៨មក។

ពេលសម្លេងកញ្ចែបញ្ចប់ការប្រកួត្រូវបានបន្លឺឡើង លោក Jurgen Klopp បានដើរចូលទីលានលើកទឹកចិត្តកូនក្រុម។ ពេលនោះលោកក៏បានជួប Bruno និងបានចាប់កគេនិយាយថា “៖ខ្ញុំដឹង ខ្ញុំដឹង!”។ 

គេដឹងថា Bruno Fernandes បានបង្កការគំរាមកំហែងមួយចំនួនលើទីលាន ហើយក៏ស៊ីម៉ោងខ្លះដែរ។

Liverpool បានចាប់ផ្ដើម​ការប្រកួត Premier League រដូវកាល២០២២/២០២៣ ៣លើកកន្លងមក ដោយមានតែ២ពិន្ទុប៉ុណ្ណោះ ហើយកំពុងឈរលេខ១៦។ ចំណែក Man UTD នៅលេខ១៤ មាន​៣ពិន្ទុពីការឈ្នះ១ និងចាញ់២។

លោក Jurgen Klopp និយាយថា ពេលនេះមិនទាន់គិតដល់តំណែងជើងឯក​ទេ ដោយផ្ដោតលើ​ជ័យជម្នះលើកដំបូងជាមុនសិន៕