ខ្សែការពារ Clement Lenglet នឹងចាកចេញពី Barcelona ទៅចូលរួមជាមួយ Tottenham Hotspur ក្នុងលក្ខខណ្ឌខ្ចីជើងមួយរដូវកាលពេញ សម្រាប់ការប្រកួតប្រជែងរដូវកាលថ្មី ។

ជាការពិតណាស់ Lenglet ដែលបច្ចុប្បន្នមានវ័យ ២៧ឆ្នាំ បានចូលរួមជាមួយ Barcelona តាំងពីឆ្នាំ២០១៨ មកម្ល៉េះ ប៉ុន្តែ ដោយសារទម្រង់លេងធ្លាក់ចុះខ្លាំងពេក ២រដូវកាលចុងក្រោយនេះ ហើយបើយោងតាមការចុះផ្សាយរបស់លោក Fabrizio Romano បានបញ្ជាក់យ៉ាងច្បាស់ថា ភាគី Tottenham Hotspur និង Barcelona បានព្រមព្រៀងគ្នាក្នុងការដាក់ Lenglet ឲ្យក្រុមមាន់ខ្នាយមាសខ្ចីជើងមួយរដូវកាលពេញ​ ដោយ ពុំមានលក្ខខណ្ឌទិញផ្តាច់ឡើយ ហើយ រូបគេនឹងត្រឡប់មកកាន់ទឹកដីអ៉េស្ប៉ាញ វិញក្រោយបញ្ចប់រដូវកាល ២០២២–២០២៣។

គួរបញ្ជាក់ដែរថា នេះជាការដោះដូរកីឡាករជោគជ័យទី៥របស់ Spurs សម្រាប់ទីផ្សារដោះដូរកីឡាកររដូវក្តៅនេះ បន្ទាប់ពីក្រុមទើបតែទិញបានកីឡាករឆ្នើមៗជាច្រើនដូចជា Ivan Perisić, Bissouma, Richarlison និង Forster៕

– F11-