Paris Saint Germain ធ្លាប់ពិចារណាយក Paul Pogba មកចូលរួមក្រុមដែរនៅរដូវកាលក្រោយ ប៉ុន្តែការមកដល់របស់ Luis Campos ក្នុងនាមជានាយកផ្នែកកីឡា បានរារាំងការផ្ទេរនេះ។

បើតាមសារព័ត៌មាន L’Equipe ខ្សែបម្រើជម្រើសជាតិបារាំង Pogba នឹងមិនទៅចូលរួមជាមួយ PSG ដោយសារតែមិនស្ថិតក្នុងគម្រោងរបស់លោក Luis Campos។ តាមពិតទៅគម្រោងចង់បានសមាជិក Manchester United រូបនេះ ជាគំនិតរបស់លោក Leonardo ទេកាលនៅជា​នាយកផ្នែកកីឡា។

សម្រាប់លោក Campos វិញ ចង់បាន Aurélien Tchouameni ឯណោះទេ ប៉ុន្តែខ្សែបម្រើ AS Monaco រូបនេះចង់ទៅ Real Madrid ជាង។

លោក Campos ចង់កែទម្រង់កីឡាករក្នុងក្រុម ដើម្បីសម្រេចគោលដៅឈ្នះជើងឯក UEFA Champions League។ ប៉ុន្តែ Pogba មិនស្ថិតក្នុងជម្រើសរបស់លោកទេ៕