លោក ស៊ីថូ ណាថាន់ សមាជិកស្ថានិក MSR Sport នឹងអត្ថាធិប្បាយដោយផ្ទាល់ការប្រកួតបាល់ទាត់ពានរង្វាន់មិត្តភាព Century Cup 2022 រវាង Liverpool និង Manchester United ដែលនឹងប្រព្រឹត្តទៅនៅថ្ងៃអង្គារ ទី១២ ខែកក្កដា ឆ្នាំ២០២២ វេលាម៉ោង៨យប់។

ការប្រកួតដ៏ពិសេសនឹងធ្វើឡើងនៅកីឡដ្ឋាន Rajamangala នាក្រុងបាងកក ប្រទេសថៃ ប៉ុន្តែលោក ស៊ីថូ ណាថាន់ នឹងអត្ថាធិប្បាយនៅភោជនីយដ្ឋានរបស់លោកដែលមានឈ្មោះ ហាណាមិ មានទីតាំងនៅជាប់វិហារចិន ក្បែរទីលានប្រជាធិបតេយ្យ។

ជុំវិញការប្រកួតរវាង​ Liverpool និង Manchester United នេះដែរ សមាជិក MSR Sports ២រូប គឺលោក យ៉េន ម៉ៅ និងលោក វ៉ន រតនៈមនោរម្យ បានធ្វើដំណើរទៅកាន់រាជធានីបាងកក ប្រទេសថៃ នៅថ្ងៃសៅរ៍ ទី០៧ ខែកក្កដា ដើម្បីចូលរួមទស្សនាដោយផ្ទាល់ និងផ្ដិតយករូបភាព ក៏ដូចជាជួបសម្ភាសជាមួយកីឡាករ Man UTD តែម្ដង៕