Abee មិនហ៊ានសន្យារកគ្រាប់បាល់ឲ្យកោះកុងបានច្រើនប៉ុនណា តែថាចាំមើលលើទីលាន
ខ្សែប្រយុទ្ធថ្មីកោះកុងអេហ្វស៊ី Abee Ndjoo អះអាងមិនហ៊ានសន្យាច្រើនទេពីចំនួនគ្រាប់បាល់ តែថា នឹងបង្ហាញជាក់ស្ដែងលើទីលាន។
គួរដឹងដែរថា Abee បានចូលរួមជាមួយកោះកុងអេហ្វស៊ីដែលជាក្រុមក្នុងក្របខណ្ឌ Cambodian League 2 ថ្មីៗនេះ ក្រោយចាកចេញពីបឹងកេត។
គេបានបង្ហាញភាពលេចធ្លោនៅអាស៊ីអឺរ៉ុបយូណាយធីត ក្នុងលីគកំពូល ២០២១ ជុំទី១ ដោយរកបាន១០គ្រាប់ មុនផ្លាស់ទៅបឹងកេត ក្នុងជុំទី២ រដូវកាលដដែល។ នៅកីឡដ្ឋាន Cambodia Airways ខ្សែប្រយុទ្ធកាមេរូនរូបនេះរកបានតែ១គ្រាប់ប៉ុណ្ណោះ។
កោះកុងអេហ្វស៊ីត្រូវបើកឆាក Cambodian League 2 នៅថ្ងៃអាទិត្យ ទី០៦ ខែមីនា នេះតទល់ម្ចាស់ផ្ទះត្បូងឃ្មុំ៕
