លោក Jose Mourinho គ្រូបង្គោល AS Roma និយាយថា កូនក្រុមរបស់លោកហាក់គាំង គិតអីលែងចេញក្រោយរបូតដល់ទៅ៣គ្រាប់ក្នុងរយៈពេល៧នាទីក្នុងការប្រកួតដែល Juventus វាយបកយកឈ្នះវិញដោយលទ្ធផល៣ទល់នឹង៤។

AS Roma បាននាំមុខ ៣ទល់នឹង១មុនក្នុងរយៈពេល២០នាទី មុនក្រុមសេះបង្កង់វាយបកវិញ។

Lorenzo Pellegrini មានឱកាសទាត់បាល់ពិន័យ១១ម៉ែត្រចុងម៉ោងដែរ តែត្រូវបាន​អ្នកចាំទី Wojciech Szczesny ជួយបាន ហើយប៉េណាល់ទីនោះកើតឡើង​ក្រោយ Matthijs de Ligt របស់ Juventus បានកាតលឿងជាលើកទី២ដែលឈានដល់ការបានកាតក្រហម។

លោក Jose Mourinho គ្រូបង្គោល AS Roma និយាយថា “៖ យើងលេងល្អក្នុងរយៈពេល៧០នាទី តែក្រោយមក ក៏ភាំងៗ។”

AS Roma ឈរលេខ៧ មាន៣២ពិន្ទុពីការប្រកួត២១លើក ខណៈ Juventus នៅលេខ៥ មាន៣៨ពិន្ទុពីការប្រកួត២១លើកដូចគ្នា ក្រោមក្រុមកំពូលតារាង Inter Milan ១១ពិន្ទុ៕

មកទស្សនាការប្រកួតដ៏ស្វិតស្វាញនេះទាំងអស់គ្នា ៖