លោក ប៉ែន ផាត បើកសាលាបាល់ទាត់ ពស់កេងកង
លោក ប៉ែន ផាត Legend កម្ពុជា នាពេលថ្មីៗនេះបានបើកសាលាបង្ហាត់បាល់ទាត់ដល់យុវជន និងកុមារ ដែលដំណើររៀងរាល់ថ្ងៃសៅរ៍ និងថ្ងៃអាទិត្យ ចាប់ពីម៉ោង៨ព្រឹកដល់ម៉ោង១០ព្រឹក។
សាលានេះត្រូវបានកំណត់ឈ្មោះថា ពស់កេងកង ដែលយកលំនាំតាមរហស្សនាមរបស់លោកតែម្ដង។ សម្រាប់ទីតាំងវិញនៅជិតផ្សារសេនជូរីផ្លាហ្សា។
យុវជនមានចំណាប់អារម្មណ៍ អាចចុះឈ្មោះបានដោយមានតម្លៃត្រឹម២០ដុល្លារប៉ុណ្ណោះក្នុងមួយខែ។
គួររំឭកថា លោក ប៉ែន ផាត ជាអតីតខ្សែបម្រើស្លាបជម្រើសជាតិកម្ពុជាអំឡុងទសវត្សរ៍ឆ្នាំ១៩៦០ដល់១៩៧០។ លោកធ្លាប់ប្រកបអាជីពនៅថៃ អាល្លឺម៉ង់ និងបារាំង។ លោកធ្លាប់បង្ហាត់វេស្ទើនភ្នំពេញ និងក្រុមយុវជន Thai Kids Soccer នៅខេត្តឈុនបុរី ប្រទេសថៃ៕
