ក្រុមការពារតំណែងជើងឯក Manchester City ត្រូវបានទម្លាក់ចេញពីពានរង្វាន់ League Cup ដោយចាញ់ West Ham United តាមរយៈការទាត់បាល់១១ម៉ែត្រកាត់សេចក្ដី ៥ទល់នឹង៣ ក្រោយស្មើគ្នា០ទល់នឹង០។

ក្នុងដំណាក់កាលទាត់កាត់សេចក្ដី Phil Foden ទាត់មិនចូល ហើយគ្រាប់ចុងក្រោយត្រូវទាត់ចូលដោយ Said Benrahma។

នេះជាលើកដំបូងហើយចាប់តាំងពីឆ្នាំ២០១៦សម្រាប់ Manchester City ដែលឈ្នះពាននេះ៤ដងជាប់គ្នា បានជ្រុះចេញទៅហើយ។

លោក Pep បានផ្លាស់ប្ដូរកីឡាករ៩នាក់ក្នុងជម្រើស១១នាក់ដំបូង តែក៏បានប្ដូរចូល Foden, Gabriel Jesus និង Jack Grealish ដើម្បីរកគ្រាប់បាល់។

West Ham បានទាត់ចូលទាំង៥គ្រាប់នៃបាល់កាត់សេចក្ដី។ គិតមកទល់ពេលនេះ ក្រុមញញួរធំកំពុងឈរលេខ៤ Premier League, ឈ្នះទាំង៣ប្រកួតដំបូងនៅ Europa League និងឡើងដល់វគ្គ៨ក្រុម League Cup៕