ការប្រកួតបាល់ទាត់លីគកំពូលកម្ពុជា Cambodian Premier League រដូវកាល២០២២ ចូលដល់សប្ដាហ៍ទី១១ ហើយនៅថ្ងៃសៅរ៍ ទី​១៦ ខែកក្កដា នេះ។

ជំនួបដែលត្រូវបានគេចាត់ទុកជាការប្រកួតដ៏ធំប្រចាំសប្ដាហ៍នោះ  គឺ រវាងក្រុមម្ចាស់ផ្ទះវិសាខា​ និងភ្នំពេញក្រោន។ ក្រុមទាំង២ជាក្រុមដែលបានប្រកួត AFC Cup និងត្រូវបានគេមើលឃើញថា ធ្វើបានល្អដូចៗគ្នា។

ក្នុងការប្រកួត២ឆ្នាំចុងក្រោយនេះ វិសាខាមិនបានឈ្នះភ្នំពេញក្រោនឡើយ ដោយបានត្រឹមស្មើគ្នាទាំង២ជើងរដូវកាលមុន និងជើងទី១ នៅ RSN រដូវកាលនេះ។ តែក្នុងពាន Super Cup និងមិត្តភាព ភ្នំពេញក្រោនតែងតែឈ្នះវិសាខា។

យ៉ាងណា បើគិតលទ្ធផលបច្ចុប្បន្ន វិសាខាកំពុងឈរលេខ២ ខណៈភ្នំពេញក្រោននៅលេខ៦។ អ្វីគួរកត់សម្គាល់នោះ វិសាខាមិនដែលចាញ់ទេក្នុងលីគចាប់តាំងពីដឹកនាំដោយលោក មាស ចាន់ណា មក។