Reece James ទម្លាយវីដេអូចោរចូលផ្ទះ លួចទាំងមេដាយ UCL និង Super Cup ទៅបាត់
ខណៈកំពុងជាប់រវល់ជួយ Chelsea ក្នុងការប្រកួត UEFA Champions League កន្លងទៅ ខ្សែការពារ Reece James ត្រូវបានចោរលួចចូលផ្ទះលួចយករបស់មានតម្លៃមួយចំនួន កាលថ្ងៃអង្គារ ទី១៤ ខែកញ្ញា។
កីឡាករជម្រើសជាតិអង់គ្លេសបានបង្ហាញវីដេអូជនដៃដល់៤នាក់មានពាក់ឯកសណ្ឋានស និងបិទមុខជិតឈឹងដើរចូលតាមរបងខាងមុខ។ គេបញ្ជាក់ថា ពួកចោរទាំងនោះបានលើកយកទូរដែកដែលមានទាំងមេដាយមាស UEFA Champions League និង UEFA Super Cup ថែមទៀត។
ក្នុងវីដេអូនោះ គេឃើញក្រុមចោរបានលើកទូរដែកដាក់ចូលក្ដិតឡាន និងជិះចេញទៅដោយសុវត្ថិភាព។ James បានអំពាវនាវដល់អ្នករាល់គ្នាជួយវែកមុខជនដៃដល់ទាំងនោះផងដែរ៕
