Kyle Walker ត្រៀមខ្លួនជាស្រេចដើម្បីជួយ អង់គ្លេស បើកឆាកប៉ះជាមួយ ក្រូអាត
(BC-99)
ខ្សែការពារ Kyle Walker របស់ក្រុម Manchester City បានត្រៀមខ្លួនរួចជាស្រេចសម្រាប់ការប្រកួតបើកឆាក Euro 2020 ឱ្យក្រុមតោកំណាច អង់គ្លេស។
ការប្រកួតដំបូងរបស់ក្រុមលោក Gareth Southgate នឹងចាប់ផ្តើមធ្វើហើយនៅរាត្រីថ្ងៃអាទិត្យដោយត្រូវប្រកួតជាមួយក្រុមក្រឡាចត្រង្គ ក្រូអាត ក្នងនោះដែរខ្សែការពារ Kyle Walker របស់ក្រុម មេឃខៀវ Manchester City បាននិយាយប្រាប់អ្នកសារព័ត៌មានអំពីការត្រៀមខ្លួនរួចរាល់ដើម្បីជួយឱ្យក្រុមជម្រើសជាតិ អង់គ្លេស របស់ខ្លួនអាចស្វែងរកបីពិន្ទុបាន។
ថ្លែងទៅកាន់ Talksport Walker បាននិយាយថា៖ “ខ្ញុំមានដៃគូការពារដ៏រឹងមាំគឺ Luke (Shaw) ពួកយើងបានធ្វើការហ្វឹកហាត់យ៉ាងយកចិត្តទុកដាក់នោងភាពស៊ីសង្វាក់។ ពួកយើងគឺជាក្រុមដ៏ល្អមួយក្នុងពិភពលោក ដូចនេះពួកយើងពិតជាធ្វើបានល្អនាអំឡុងព្រិត្តិការណ៍ Euro ឆ្នាំនេះ។ ថ្វីត្បិតតែយើងមានរនាំងបញ្ហាដែលជាក្រុមធំៗតែយើងនឹងព្យាយាមបន្តទៅមុខទៀតឱ្យបាន” ។
គួរបញ្ជាក់ថា អង់គ្លេស ឋិតក្នុងពូល D ក្រោយពីប្រកួតជាមួយ ក្រូអាត រួចពួកគេនឹងត្រូវប្រកួតជាមួយ ស្កុតលែន ដែលជាផ្នែកមួយនៃចក្រភពនិងប្រកួតចុងក្រោយនៃវគ្គសន្សំពិន្ទុនេះជាមួយ សាធារណរដ្ឋ ឆែក។
