Memphis Depay នឹងផ្ទេរទៅ Barcelona ដោយឥតគិតថ្លៃ
កីឡាកររបស់ក្លិប Lyon Memphis Depay ត្រូវបានគេរាយការណ៍ថាកំពុងធ្វើការផ្លាស់ទៅទីក្រុងបាសេឡូណាបន្ទាប់ពីគេបានឃើញកីឡាករហូឡង់រូបនេះកំពុងទៅមើលផ្ទះមួយកន្លែងនៅតំបន់ Catalonia ។
កីឡាករវ័យ ២៧ ឆ្នាំរូបនេះបានត្រៀមខ្លួនរួចជាស្រេចក្នុងការភ្ជាប់ទំនាក់ទំនងជាមួយក្លឹបអ្នកមានបុណ្យដោយឥតគិតថ្លៃនៅរដូវក្តៅនេះដោយបដិសេធមិនចុះកុងត្រាថ្មីដើម្បីបន្តជាមួយក្រុមនៅប្រទេសបារាំងឡើយ។
បន្ទាប់ពីផ្លាស់ចេញពី Manchester United ទៅកាន់ Lyon គេបានក្លាយជាកីឡាករដ៏សំខាន់ម្នាក់ខណៈដែលរដូវកាលនេះ Depay ស៊ុតបញ្ចូលទីបាន ២២ គ្រាប់និងជួយបញ្ជូនបាល់ស៊ុតបញ្ចូលទីបាន ១០ គ្រាប់ក្នុង ៣៩ ប្រកួតពីគ្រប់កម្មវិធីទាំងអស់។
បណ្តាញសារព័ត៌មានបារាំង L’Equipe បានរាយការណ៍ថាការផ្លាស់ប្តូរទៅកាន់ក្លិបយក្សនៅ LaLiga ជិតបញ្ចប់ហើយខណៈដែលគេបានឃើញ Depay កំពុងតែមើលផ្ទះមួយកន្លែងនៅតំបន់ Catlonia ។
ព័ត៌មានផ្លូវការណ៍ស្តីពីការផ្លាស់ប្តូរអាចនឹងប្រកាសឱ្យដឹងនៅមុនពេលករប្រកួត EURO 2020 ចូលមកដល់ នេះបើតាមសារព័ត៌មានមួយទៀតដែលបានចេញផ្សាយនៅប្រទេសអេស្ប៉ាញ។
