លោក Jurgen Klopp អ្នកចាត់ការទូទៅ Liverpool និយាយថា Mohamed Salah មានតឹកតាងច្រើនដើម្បីបង្ហាញថា គេគឺជាកីឡាករឆ្នើមម្នាក់។

ក្រុមរបស់លោក Klopp មានកៅអីទៅកាន់វគ្គ១៦ក្រុមចុងក្រោយរួចហើយ ដោយបញ្ចប់នៅចំណាត់ថ្នាក់កំពូលក្នុងពូល D ហើយក្នុងការប្រកួតតទល់ FC Midtjylland ១ទល់នឹង១ Salah បានទាត់បញ្ចូលទីនៅ៥៥វិនាទី។

វាជាគ្រាប់បាល់លឿនបំផុតដែលក្រុមនេះធ្វើបាននៅ Champions League វ៉ាផុតកំណត់ត្រាចាស់របស់ Steven Gerrard ។ Alexander Scholz ជាអ្នករកគ្រាប់បាល់ប៉េណាល់ទីតាមស្មើសម្រាប់ក្រុមម្ចាស់ផ្ទះនៅដាណឺម៉ាក នាទី៦២ ។

Atalanta ឈរនៅចំណាត់ថ្នាក់លេខពីរក្នុងពូលជាមួយនឹងជ័យជម្នះ ១-០ លើ Ajax ដែលបានធ្លាក់ទៅក្នុងក្របខណ្ឌ Europa League ខណៈក្រុមម្ចាស់ជើងឯកដាណឺម៉ាក Midtjylland បានបញ្ចប់ក្នុងចំណាត់ថ្នាក់បាតតារាង៕