ពីរគ្រាប់ពី Erling Haaland ក្នុងជ័យជម្នះ០ទល់នឹង៣លើ Club Bruges នៅថ្ងៃពុធ ទី០៤ ខែវិច្ឆិកា ធ្វើឲ្យខ្សែប្រយុទ្ធក្លិប Borussia Dortmund  រូបនេះតាមស្មើចំនួនគ្រាប់បាល់របស់ Ronaldo de Lima និង Adriano ដែលរកបាន១៤គ្រាប់នៅ UEFA Champions League។

ដូច្នេះមានន័យថា កីឡាករជម្រើសជាតិន័រវេយ៍ត្រូវការតែពេលថែមទៀតដើម្បីវ៉ាហួសចំនួនគ្រាប់បាល់របស់អតីតខ្សែប្រយុទ្ធប្រេស៊ីលទាំងពីរខាងលើ។

BT ក៏បានបង្ហើបដែរថា នៅមានខ្សែប្រយុទ្ធមួយចំនួនទៀតដែលរកបានតិចជាង​ Haaland នៅ UCL មាន Carlos Tevez, Dimitar Berbatov (១៣គ្រាប់), Radamel Falcao, Olivier Giroud (១២គ្រាប់). , George Weah, Michael Owen (១១គ្រាប់) និង Christian Vieiri (១០គ្រាប់)។

យុវជនវ័យ២០ឆ្នាំរកបាន១៤គ្រាប់នៅ UCL ពីការលេង១១ប្រកួត។ សម្រាប់កម្មវិធីទាំងអស់ គេរកបាន២៦គ្រាប់ក្នុងចំណោម២៨ប្រកួតសម្រាប់ Dortmund។

បើនិយាយពីកីឡាករផ្សេងវិញ ដូច Harry Kane ត្រូវចំណាយ១៧ប្រកួត, Van Nistelrooy ១៨ប្រកួត, Shevchenko ១៩ប្រកួតដើម្បីរកបាន១៤គ្រាប់នៅ UCL។ ចំណែក Lewandowski, Neymar និង Luis Suarez ត្រូវចាយដល់ទៅ២២ប្រកួតទើបអាចរកបាន១៤គ្រាប់៕