(BC-99)

ក្លិបបាល់​ទាត់​នៅ Serie A Napoli កំពុងខិត​កាន់​តែ​កៀក​ទៅរក​​កិច្ចព្រមព្រៀងជាមួយក្រុម Arsenal ស្តី​ពីការ​ផ្លាស់​ប្តូរ​យក​ខ្សែការពារសញ្ជាតិក្រិក Sokratis ដែល​នឹង​អស់​សុពលភាពនៅរដូវក្តៅខាងមុខនេះជាមួយ​ក្រុមកាំភ្លើងធំ។​

កាសែត Evening Standard បានរាយការណ៍ថា Sokratis បាន​សម្តែង​នូវ​សេចក្តី​រីករាយនឹងការ​សន្យា​ដែល​នឹង​ជួយ​អោយ​រូប​គេ​​ទទួលបានប្រាក់ឈ្នួល ៩០,០០០ ផោនក្នុងមួយសប្តាហ៍ពីក្រុម​ដែល​បញ្ចប់​ចំណាត់​ថ្នាក់​លេខ ៧ នៅ Serie A កាល​ពី​រដូវ​កាល​មុន​។

ប្រធានក្លឹប Napoli លោក Aurelio De Laurentiis បានបញ្ជាក់ថាពួកគេកំពុងតាមយ៉ាង​ប្រកៀក​នូវ​ការ​ទិញ​យក​ Sokratis អោយ​បាន​ហើយវាជាក៏​ជា​តម្រុយ​​មួយ​ដែរ​ដែលអាចនាំឱ្យវា​ក្លាយ​ជា​មូល​ហេតុ​ដែល​ Kalidou Koulibaly ផ្ទេរទៅ Manchester City ក្លាយ​ទៅ​ជា​រឿង​ពិត​។

លោក De Laurentiis ត្រូវបានដកស្រង់សម្តីដោយសារព័ត៌មាន IlNapoliOnline.com ថា “យើងកំពុងធ្វើការលើការចុះហត្ថលេខាលើកីឡាករ Sokratis Papastathopoulos ពីក្រុម Arsenal ។ យើងយល់​ថាវាជាជំរើសដ៏មួយរបស់​ក្រុម​យើង”។

គួរ​បញ្ជាក់​ថា Arsenal បាន​ទិញ​យក Sokratis ពី​ក្លិប Borussia Dortmund នៅ​ឆ្នាំ​ ២០១៨ ដោយ​បាន​បង្ហាញ​ខ្លួន​ចំនួន​ ៤៤ ប្រកួត​និង​ស៊ុត​បញ្ចូល​ទី​បាន​ ៣ គ្រាប់ផង​ដែរ​។