ខ្សែប្រយុទ្ធ Lionel Messi ត្រូវបានគេរាយការណ៍មកថា បានព្រមព្រៀងតម្លៃផ្តាច់កុងត្រារបស់ខ្លួនដើម្បីផ្លាស់ចេញពី FC Barcelona ទៅកាន់ Manchester City នៅរដូវក្តៅនេះ។

យ៉ាងណាក្តីប្រភពដដែលខាងលើបានចុះផ្សាយអំពី ថ្លៃនឿយហត់របស់ខ្សែប្រយុទ្ធ Lionel Messi ផងដែរ ប្រសិនជាផ្លាស់ទៅកាន់ Manchester City បានសម្រេចមែនគឺ ១ឆ្នាំទទួលបាន ៤៤.៦លានផោន, ១ខែ ៣.៧លានផោន, ១សប្តាហ៍ ៨.៥៧សែនផោន, ១ថ្ងៃ ១.២សែនផោន, ១ម៉ោង ៥ពាន់ផោន និង១វិនាទី ១.៤ផោន។

គួរឱ្យដឹងដា ប៉ុន្មានថ្ងៃមកនេះ ម្ចាស់ពានរង្វាន់ Ballon d’Or ៦សម័យបានធ្វើឱ្យពិភពបាល់ទាត់ភ្ញាក់ផ្អើលយ៉ាងខ្លាំង ក្រោយពីរូបគេបានសុំចាកចេញពី FC Barcelona ក្រោមហេតុផលមិនសប្បាយចិត្តជាមួយនឹងក្លឹប ក៏ដូចជារចនាសម្ព័ន្ធក្នុងការដឹកនាំរបស់ក្លឹបផងដែរ។

ឥឡូវនេះ FC Barcelona កំពុងតែព្យាយាមធ្វើការចរចារជាមួយប្រធានក្រុមជម្រើសជាតិអាហ្សង់ទីនដើម្បីឱ្យរូបគេនៅទឹកដី Camp Nou ជាបន្តទៀត បើទោះបីជាគេមិនព្រមបង្ហាញខ្លួននៅទីលានហ្វឹកហាត់យ៉ាងណាក្តី។