(BC-99)

ក្រុម Bayern Munich បានត្រៀមខ្លួនចុះហត្ថលេខាទិញ​យក​កីឡាករ​ដ៏​ល្បី​ចំនួនពីរនាក់​នៅ​ទ្វីប​អឺ​រ៉ុប​ទៅ​តាម​ការ​ចង់​បាន​របស់​លោក Flick ដែល​ជា​អ្នក​ចាត់​ការ​ទូរទៅ​ដើម្បី​យក​មក​អង្រួន​ពាន​រង្វាន់ UEFA Champions League រដូវ​កាល​ក្រោយ។

ក្រុមម្ចាស់ជើងឯកក្របខ័ណ្ឌ Bundesliga មួយនេះមានមហិច្ឆតាចង់គ្រប់គ្រងពាន​រង្វាន់មិន​ថា​ជា​ពាន​ក្នុង​ស្រុក​ឬ​ក៏ក្រៅ​ស្រុក​អ្វី​ឡើយ ហើយ​គេ​តែង​តែ​ចាត់​ទុក​ការ​ទៀម​ទា​របស់​លោក Hansi Flick ក្នុង​ការ​ដោះដូរកីឡាករគឺ​ជា​រឿង​ត្រឹម​ត្រូវ​និងសាកសមសម្រាប់​ក្លិប​បាល់​ទាត់​ដ៏​ជោគ​ជ័យ​មួយ​នេះ​។

Bayern ដែល​បានឈ្នះជើងឯក Champions League លើកចុងក្រោយបំផុត​ក្នុងឆ្នាំ ២០១៣ កំពុង​តែ​ផ្តោត​ក្តី​សង្ឃឹ​ម​របស់​ខ្លួន​ទៅ​លើ​សហព័ន្ធ​ UEFA ថា​នឹង​សម្រេច​ចិត្តប​​បន្តការប្រកួតប្រជែងរបស់ខ្លួនឡើង​វិញ​បន្ទាប់​ពី​​កម្មវិធី​ប្រកួតកំពុង​តែ​ផ្អាក​​ជាបណ្តោះ​អាសន្ន​នា​ពេល​បច្ចុប្បន្ន​ដោយសារតែជំងឺរាតត្បាត។

នាយក​ប្រតិបត្តិ​របស់​ក្លិប​លោក Hasan Salihamidzic បានប្រាប់កាសែត Welt am Sonntag ថា“ យើងចង់ពង្រឹងខ្លួនយើងជាមួយនឹងទេពកោសល្យរបស់​កំពូលកីឡាករ​អឺរ៉ុប ហើយក៏ចង់​នាំយកតារាបាល់​ទាត់​កម្រិត​អន្តរជាតិពីររូប​នេះ​មកកាន់ទីក្រុង Munich ដែលពួកគេ​នឹង​ជួយបង្កើនគុណភាពក្រុមរបស់យើងទាំង​មូល​និងជួយក្រុមផ្តល់មាន​លទ្ធភាព​ផ្តល់​ជូនអ្នកទស្សនានូវ​ភាព​ទាក់ទាញនិង​ភាព​ខ្លាំង​របស់​ពួក​យើង​។ ពួកយើងទាំងអស់គ្នាចង់ឈ្នះពានរង្វាន់ Champions League ដោយមិនមានបញ្ហា​ខាងសេដ្ឋកិច្ចឡើយ” ។

ក្រុម Bayern កំពុងកើនឡើងជើង​យ៉ាងខ្លាំងសម្រាប់​ការ​ប្រកួត​ប្រជែង​ពាន​រង្វាន់​ក្នុង​ស្រុក Bundesliga ដែល​ត្រូវបានផ្អាកតាំង​ពី​ខែមីនាកន្លង​ទៅ ពួក​គេ​ត្រូវ​បាន​រំពឹង​ថានឹងឈ្នះពានរង្វាន់លីគ អាល្លឺម៉ង់ ជាលើកទី ៣០ ប្រសិនបើរដូវកាលនេះបន្ត​សកម្មភាព​វិញ​។

គួរ​បញ្ជាក់​ដែរ​ថា​ខ្សែប្រយុទ្ធរបស់ក្រុម RB Leipzig Timo Werner និងខ្សែបម្រើស្លាប Leroy Sane របស់ក្រុម Manchester City ក៏​​ស្ថិតក្នុងចំណោមកីឡាករដែលត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ក្រុម Bayern នៅចុងបញ្ចប់នៃរដូវកាល ២០១៩-២០ នេះដែរ​​។