អតីតខ្សែបម្រើប្រេស៊ីល Ronaldinho ត្រូវបានអាជ្ញាធរប៉ូលិសរបស់ប្រទេសប៉ារ៉ាហ្គាយចាប់ខ្លួនកាលពីខែមីនា បន្ទាប់ពីរូបគេបានបន្លំធ្វើលិខិតឆ្លងដែនជាជនជាតិប៉ារ៉ាហ្គាយ។ គិតមកទល់ពេលនេះវីរបុរសបាល់ទាត់ក្រុមរហស្សនាមសាំបាត្រូវ​បាន​​ឃុំឃាំង​ដោយប្រឈម​នឹង​ជាប់​ពន្ធនាគារ​រយៈពេល៦​ខែ។

ដោយឡែកកាលពីពេលថ្មីៗនេះ Ronaldinho ក៏ត្រូវបានគេថតបានក្នុងពេលកំពុងតែលេង​បាល់​ទះ​ប្រើ​ជើង​​ជាមួយ​មិត្ត​ដែល​ជា​អ្នក​ទោស​ដូច​គ្នា ដោយអតីតសមាជិក PSG, FC Barcelona និង AC Milan រូបនេះនៅតែមានសមត្ថភាពនិងបច្ចេកទេសល្អក្នុងការលេងបាល់នៅឡើយ។

Ronaldinho Play FootVolley in Paraguayan Prison

បើទោះបីជាមានឈ្មោះជាពិរុទ្ធជនក្តី Ronaldinho ដែលតែងតែមានមុខក្នុងការប្រកួតកីឡាបាល់ទាត់ជារឿយៗនៅក្នុងពន្ធនាគារនាប្រទេសប៉ារ៉ាហ្គាយ ដោយកាល​ពី​២​សប្ដាហ៍​មុន​គេ​បាន​ចូល​ប្រកួត​បាល់ទាត់​ពាន់​រង្វាន់មួយ ហើយព្រម​ទាំង​​ជួយ​ក្រុម​លើក​ពាន​ទៀត​ផង ទទួល​បាន​រង្វាន់​ជ្រូក​អាំង​១៦​គីឡូក្រាមផងដែរ៕ ​​​​​