យោងតាមសារព័តមាន L’Equipe បានអោយដឹងថាគ្រូបង្វឹកជនជាតិអាល្លឺម៉ង់កំពុងស្វែងរកអ្នកចាំទីដែលមានសមត្ថភាពមកជំនួសកន្លែងរបស់ Alphonse Areola ដែលកំពុងធ្លាក់ទំរង់ ក្រោយពីការប្រកួតបើករដូវកាល អ្នកចាំទីកូនកាត់ហ្វីលីពីនបារាំងរូបនេះធ្វើអោយភ្លាត់ស្នៀតចាញ់ក្រុម Rennes ២-១។

“Alphonse Alreola”

ក្នុងនោះដែរ ក្រៅពី Keylor Navas មានអ្នកចាំទីវ័យក្មេងមួយរូបទៀតកំពុងស្ថិតក្នុងបញ្ចីរបស់ក្រុមចាយលុយធំ Paris S.G គឺអ្នកចាំទីជនជាតិអ៊ីតាលី Gianluigi Donnarumma ដែលលេងអោយបិសាចក្រហម AC Milan ប៉ុន្តែ Navas នៅតែជាគោលសំខាន់មុនគេដែល Paris S.G ចង់បានខ្លាំងបំផុត។

“Gianluigi Donnarumma”

បច្ចុប្បន្នអ្នកចាំទីជនជាតិកូស្តារីកាកំពុងមានសម្ពាធក្នុងការប្រជែងយកកៅអី១១នាក់ក្នុងក្រុម Real Madrid ជាមួយអ្នកចាំទីជនជាតិប៊ែលហ្ស៊ិក Thibaut Courtois ដែលស្ថិតក្រោមការដឹកនាំរបស់ Zinedine Zidane វាជាការសំរេចចិត្តដ៏ពិបាកមួយ៕

“Thibaut Courtois”