បិសាចក្រហម Manchester United ត្រូវបានគេរាយការណ៏ថា កំពុងរៀបចំកញ្ចប់ទឹកប្រាក់ ៦២លានផោន ដើម្បីដេញថ្លៃទិញយកខ្សែប្រយុទ្ធ Pierre-Emerick Aubameyang ពីកាំភ្លើងធំ Arsenal។

ប្រភពព័តមាន FC Inter News បានអោយដឹងថា Aubameyang គឺជាបេក្ខភាពជំនួស Romelu Lukaku ដែលកំពុងត្រូវបានក្រុម Inter Milan ចរចារទិញដោយខានមិនបាន។  បើទោះជា Lukaku និងចាកចេញពីបិសាចក្រហមមែននោះ ក៏មិនមែនជាបញ្ហាចោទសំរាប់គ្រូបង្វឹក Ole Gunnar Solskjaer ដែរព្រោះគាត់បាននិយាយាថា ទំរង់ប្រយុទ្ធបច្ចុប្បន្នមានគ្រប់គ្រាន់ណាស់ទៅហើយ ដូចជា Marcus Rashford, Anthony Martial, Alexis Sanchez និងចំនូលថ្មីវ័យក្មេង Mason Greenwood ទៀតផង។

តែទោះយ៉ាងណាក៏ Arsenal ក៏កំពុងរកវិធីទប់ស្កាត់បិសាចក្រហមក្នុងការនាំយក Aubameyang ទៅលេងនៅ Old Trafford ដែរ។

ខ្សែប្រយុទ្ធឆ្នើមជនជាតិហ្កាប៊ុង រកបាន៣១គ្រាប់អោយ Arsenal គ្រប់ការប្រកួតទាំងអស់ក្នុងរដូវកាលមុន ហើយកាំភ្លើងធំក៏ស្ទាក់ស្ទើរក្នុងការលក់រូបគេផងដែរ ជាពិសេសទៅកាន់គូប្រជែងធំតែម្តង៕