ហង្សក្រហម Liverpool ក្រោយពីឆ្លងកាត់សមរភូមិប្រកួត Premier League 19ដងកន្លងមកនេះមិនទាន់ស្គាល់ពាក្យថាចាញ់ដូចក្លិប ទាំង19ផ្សេងទៀតឡើយហើយក៏កំពុងឈរកាងលើចំណាត់ថ្នាក់លេខ1ឃ្លាតពីក្រុមការពារដំណែងជើងឯករដូវកាលចាស់ Man City ចំនួន7ពិន្ទុដាច់ផងដែរ។ នៅក្នុងការប្រកួត Boxing Day ដែល Liverpool នៅតែរកបានជ័យជម្នះរបស់ខ្លួនលើ Newcastle United 4-0 ស្រាប់តែ Man City បែរជាចាញ់ Leicester City 2-1 ទៅវិញ។ ជ័យជម្នះរបស់ Liverpool ស្របពេលដែល Man City ចាញ់បែបនេះហើយទើបធ្វើអោយក្រុមរបស់លោក Klopp កាន់តែហក់ទៅខ្ពស់ថែមទៀត។

តែនៅមានសំណួរសួរថាតើ Liverpool ដែលខកខានស្គាល់រសជាតិពានរង្វាន់ក្របខ័ណ្ឌកំពូលអង់គ្លេសតាំងពីឆ្នាំ 1990 អាចភ្លក្សរសជាតិពានរង្វាន់កម្រិតកំពូលបានម្តងទៀតទេនៅរដូវកាលនេះ?។ យប់ថ្ងៃសៅរ៍ឈានចូលថ្ងៃទី30នេះ Liverpool ត្រូវឆ្លងកាត់ការធ្វើលំហាត់កម្រិតឆមាសដ៏លំបាកគួសមដោយត្រូវប៉ះជាមួយកាំភ្លើងធំ Arsenal នៅក្នុងទឹកដីរបស់ខ្លួន និងរំលងតែពីរយប់ប៉ុណ្ណោះគេនិងត្រូវប៉ះគូប្រជែង Man City នៅទឹកដី Etihad ជាបន្ត។

សម្រាប់ចម្លើយទៅនិងការដាក់ជាសំណួរខាងលើគឺថា គេអាចនិងក្លាយជាម្ចាស់ពានបានជាង50%ប្រសិនបើក្រុមលោក Jurgen Klopp អាចបន្តយុទ្ធនាការដោយមិនចាញ់ក្រុមខ្លាំងទាំង2ខាងលើ។ ដោយ​យោល​ទៅ​លើ​កីឡាករ​ក្នុង​ក្រុម​ទាំង​មូល​កំពុង​តែ​លេង​បាន​ល្អ​ដែល​មាន​ដូច​ជា Mohammad Salah, Sadio Mané,  Shaqiri, Van Dijk, Firmino ជាដើម​ធ្វើ​អោយ​ Liverpool មាន​ទំនុក​ចិត្ត​កាន់​តែ​ខ្ពស់​ថា​និង​មិន​ចាញ់​ការ​ប្រកួត​ណា​មួយ​ឡើយ។

កម្រិតក្នុងការឈ្នះពានតែជាង50%បើគេពុំចាញ់ Arsenal និង Man City អាច​និយាយ​បាន​ថា​ជា​សន្ទស្សន៍​ដ៏តិច​នៅ​ឡើយ​ព្រោះថានៅមានក្រុមខ្លាំងៗដែល Liverpool ត្រូវប៉ះនៅជើងទី2នារដូវកាលនេះជាបន្តទៀត។ សម្រាប់ MSR សូមជូនពរអោយ Livrpool សម្រេចនូវសេចក្តីប្រាថ្នារបស់ខ្លួន។