​ក្របខ័ណ្ឌបាល់ទាត់អាជីពកំពូលទាំង ៥ក្នុងតំបន់អឺរ៉ុបកំពុងប្រជែងគ្នាយ៉ាងមមារញឹកបំផុតនៅពេលនេះ ដើម្បីដណ្តើមជើង​ឯកប្រចាំរដូវកាល ២០១៨​ – ២០១៩។ ខ្សែប្រយុទ្ធតាមបណ្តាក្រុមខ្លាំងជាច្រើនកំពុងប្រជែងគ្នារកគ្រាប់បាល់តាមដែលអាចធ្វើបានដើម្បីស្វែងរក ៣ពិន្ទុគ្រប់ការប្រកួត។

ថ្ងៃនេះ Admin MSR បានដកស្រង់កីឡាករដែលស៊ុតបញ្ចូលបានច្រើនជាងគេក្នុងរដូវកាលនេះគិតត្រឹមថ្ងៃទី ០៨ -​ ១២ – ២០១៨ ជូនដល់ប្រិយមិត្តទាំងអស់បានទស្សនាផងដែរ។ កីឡាករទាំងនោះមានដូចតទៅ ៖

1/ Premier League របស់អង់គ្លេស

Aubameyang ខ្សែប្រយុទ្ធជនជាតិ Gabon ដែលកំពុងលេងអោយកាំភ្លើងធំ Arsenal ស៊ុតបញ្ចូលទីបាន ១០គ្រាប់ច្រើនជាងគេនៅលីកកំពូលអង់គ្លេសរដូវកាលនេះ។ បច្ចុប្បន្នជួយអោយ Arsenal ស្ថិតនៅលេខរៀងទី ៥ មាន ៣១ពិន្ទុ ស្មើរជាមួយតោខៀវ Chelsea នៅលេខរៀងទី ៤។

” ខ្សែប្រយុទ្ធ Aubameyang “

2/ Bundesilga របស់អាល្លឺម៉ង់

អតីតយុវជនរបស់ប្រជៀវខ្មៅ Valencia ដែល B.Dortmund ទិញផ្តាច់ពី FC Barcelona បច្ចុប្បន្នកំពុងមានប្រជាប្រិយភាពខ្លាំងនៅលីគកំពូងអាល្លឺម៉ង់។ ក្រៅពីជួយអោយ B.Dortmund ឈរលើកំពូលតារាង Budesliga គិតត្រឹមសប្តាហ៏ទី ១៣ ដែលជាក្រុមមិនទាន់ចាញ់នៅអាល្លឺម៉ង់ ខ្សែប្រយុទ្ធជំរើសជាតិអ៉េស្បាញរូបនេះ Top-scorers លំដាប់លេខ១ ស៊ុតបញ្ចូលទីបាន ១០គ្រាប់ហើយ។

” ខ្សែប្រយុទ្ធ Paco Alcacer “

Luka Jovic មាននាមជាកីឡាករខ្ចីជើងពី Benfica B ខ្សែប្រយុទ្ធវ័យ ២០ឆ្នាំចូលរួមស៊ុតបញ្ចូលទីអោយក្លឹប Frankfurt បាន ១០គ្រាប់ ស្មើរជាមួយ Paco Alcacer របស់ Dortmund។ បច្ចុប្បន្នកីឡាករជនជាតិ Bosnia កំពុងបង្ហាញទំរង់លេងយ៉ាងល្អ និងជួយអោយ Frankfurt ស្ថិតនៅចំណាត់ថ្នាក់ទី ៥ក្នុងតារាង Bundesliga ដែលមាន ២៣ពិន្ទុ។

” ខ្សែប្រយុទ្ធ  Luka Jovic “

3/ Serie A របស់អ៊ីតាលី 

មិនថាលេងនៅក្លឹបណាទេ ម្ចាស់ពាន Ballon’dor ៥សម័យជនជាតិ Portugal តែងតែបង្កើតភាពអស្ចារ្យជូនប្រិយមិត្តរបស់គេជានិច្ច។ ការផ្លាស់ជីវិតថ្មីមកកាន់ដឹកដី Juventus ក្នុងរដូវកាលនេះ C.Ronaldo នៅតែជាកីឡាករដែលអាចរកគ្រាប់បាល់អោយក្រុមរបស់ខ្លួនបានជាហូរហែរ ជាក់ស្តែងគិតត្រឹមសប្តាហ៏ទី ១៤ គេអាចស៊ុតបញ្ចូលទីបានចំនួន ១០គ្រាប់ ស្ថិតនៅលំដាប់លេខ១ ក្នុងតារាង Top-Scorers។

” ខ្សែប្រយុទ្ធ  C.Ronaldo “

ខ្សែប្រយុទ្ធជនជាតិ Poland, Krzysztof Piatek ក៏កំពុងតែមានភាពល្បីល្បាញគួរសមដែរ នៅក្របខ័ណ្ឌ Serei A នាពេលបច្ចុប្បន្ន។ កីឡាករវ័យ ២៣ឆ្នាំរូបនេះ ស៊ុតបាន ១០គ្រាប់ដែរអោយក្លឹប Geona ស្ថិតនៅលំដាប់លេខ២ ក្នុងតារាង Top-Scorers។

” ខ្សែប្រយុទ្ធ  Krzysztof Piatek “

4/ Ligue 1 របស់បារាំង

តារាបាល់ទាត់ទើបរះថ្មីជាកីឡាករវ័យក្មេងជនជាតិបារាំង K.Mbappe ក៏ជាកីឡាករ១ក្នុងចំណាោមកីឡាករផ្សេងទៀតដែលស៊ុតបញ្ចូលទីបានច្រើនក្នុងលីកកំពូលទាំង៥ក្នុងតំបន់អឺរ៉ុបដែរ។ ការផ្លាស់មកលេងអោយ Paris S.G ក្នុងរដូវកាលថ្មី ២០១៨ – ២០១៩ កីឡាករវ័យ ១៩ឆ្នាំ ស៊ុតបាន១២គ្រាប់ជួយអោយ Paris S.G ស្ថិតនៅលើកំពូងតារាង Ligue 1 គិតត្រឹមសប្តាហ៍ទី ១៦។

” ខ្សែប្រយុទ្ធ  K.Mbappe “

ចូលរួមជាមួយក្លឹប Nantes កាលពីឆ្នាំ ២០១៥ កីឡាករជនជាតិអាហ្សង់ទីន  Emiliano Sala មិនសូវជាមានភាពលេខធ្លោរប៉ុន្មានទេ។ ប៉ុន្តែក្នុងរដូវកាលនេះ រូបគេអាចមានលទ្ធភាពរកបាន ១២គ្រាប់ ស្មើរស្ថិតិរបស់ Mbappe ស្ថិតនៅកំពូលតារាងអ្នកស៊ុតបញ្ចូលទីបានច្រើនដែរ។

” ខ្សែប្រយុទ្ធ  E.Sala “

4/ La Liga របស់អេស្ប៉ាញ

តារាបាល់ទាត់វ័យ ៣២ឆ្នាំនៅតែមានសមត្ថភាពមិនចាញ់កីឡាករវ័យក្មេងឡើយ។ បច្ចុប្បន្ន C.Stuani រកគ្រាប់បាល់ ១១គ្រាប់ច្រើនជាងគូរប្រជែង Leo Messi របស់ Barcelona ដែលរកបាន ៩គ្រាប់ប៉ុណ្ណោះ។ កីឡាករជនជាតិ Uruguay កំពុងកាន់កាប់លេខរៀងទី១ ក្នុងតារាង Top-Scorers របស់ក្របខ័ណ្ឌ La Liga គិតត្រឹមសប្តាហ៍ទី ១៤។

” ខ្សែប្រយុទ្ធ  C.Stuania “