ខ្សែការពារស្លាបឆ្វេង Luke Shaw បានយល់ព្រមចុះកិច្ចសន្យាថ្មីរយៈពេល៥ ឆ្នាំជាមួយក្រុម Manchester United និងទទួល​ថ្លៃនឿយហត់លើវាលស្មៅ១៥ម៉ឺនផោនក្នុងមួយសប្តាហ៍។

យោងតាមសារព័ត៌មាននៅអង់គ្លេសបានឲ្យដឹងថា កុងត្រាចាស់របស់សមាជិកក្រុមតោកំណាចអង់គ្លេសដែលនឹងត្រូវហួសនៅឆ្នាំ​ក្រោយទទួលបានប្រាក់នឿយហត់ចំនួន១០ម៉ឺនផោនក្នុង១ខែតែប៉ុណ្ណោះ។

គួររំលឹកថា កីឡាករ​វ័យ​២៣​ឆ្នាំ​នេះ​បាន​ផ្ទេរ​ពី​ Southampton មកកាន់​ Manchester United នៅ​ឆ្នាំ​២០១៤ ក្នុង​តម្លៃ​ខ្លួន​ ២៧​លាន​ផោន​ នារជ្ជកាលរបស់អ្នកចាត់ការ Louis Van Gaal ប៉ុន្តែបានធ្លាក់​ទម្រង់​លេង​យ៉ាង​ខ្លាំង​ក្រោយរបួសបាក់ជើងដោយធ្វើឲ្យគេចាកចេញពីក្លឹប។

យ៉ាងនេះក្ដី នៅ​ក្នុង​រដូវ​កាល​ ២០១៨/១៩​ នេះ​ Luke Shaw​ បាន​បង្ហាញ​ទម្រង់​លេង​បាន​ល្អ​គួរឲ្យកត់សម្គាល់ រហូតបានក្លាយ​ជា​ខ្សែ​ការពារ​ស្លាប​ឆ្វេង​ជម្រើស​ទី​មួយ​របស់អ្នកចាត់ការ​ Jose Mourinho៕