យោងតាមសារព័ត៌មាន Sky ក្នុងប្រទេសអ៊ីតាលីរាយការណ៍ថាខ្សែបម្រើ Aaron Ramsey បានយល់ព្រមផ្ទេរទៅកាន់ Juventus នៅក្នុងរដូវក្ដៅខាងមុខ ដោយគ្មានតម្លៃផ្ទេរ (Free Agent) ក្រោយផុតកិច្ចសន្យាជាមួយ Arsenal នៅដំណាច់រដូវកាលនេះ។

កីឡាករវ័យ២៨ឆ្នាំត្រូវបានភ្ជាប់ជាមួយក្រុម​ជើង​ឯករបស់​អ៊ីតាលី​តាំង​ពី​ឆ្នាំ​មុនមកម្ល៉េះ​រួមជាមួយនឹងការផ្ទេរទៅកាន់ Manchester United និង Chelsea ផងដែរ។ យ៉ាងណាក្តីឥឡូវនេះ Ramsey បានព្រមព្រៀង​ផ្លាស់​ទៅ​ទីក្រុង Turin នៅ​រដូវ​ក្ដៅ​ខាង​មុខនេះហើយ ដោយសម្រាប់​ការ​ចរចា​តម្លៃ​គឺ​៣៦​លាន​ផោន ហើយ​កីឡាករ​ជម្រើស​វែល​រូប​នេះ​នឹង​ទទួល​បាន​១៤​ម៉ឺន​ផោន​ក្នុង​មួយ​សប្ដាហ៍។

“ចុះឈ្មោះ និង ដាក់ប្រាក់ឥឡូវនេះជាមួយ 188asia នឹងទទួលបានទឹកប្រាក់បន្ថែមរហូតដល់ 100$”

គួររំលឹកថា Aaron Ramsey បានផ្លាស់ពី Cardiff មក Arsenal ក្នុងឆ្នាំ២០០៨ ហើយមកទល់ពេលនេះចូលលេងបាន២៥២ដងនៅ Premier League និងរកបាន៥២គ្រាប់៕