ការចាប់ឆ្នោតពានរង្វាន់បាល់ទាត់សម្តេច ហ៊ុន សែន វគ្គ១៦ក្រុមចុងក្រោយបានបង្ហាញរួចរាល់ហើយ នៅព្រឹកថ្ងៃទី១៧ ខែឧសភា នាទីស្នាក់ការគណៈកម្មាការ CNCC ។  សម្រាប់វគ្គនេះក្រុមទាំង១២នៅលីកកំពូលកម្ពុជាត្រូវឈរចាំវគ្គស្រាប់តែម្តង ខណៈ៤ក្រុមទៀតឡើងមកពីការប្រកួតតាមថ្នាក់ខេត្តរួមមាន យុវជនសាលាបាល់ទាត់បាទី U18 , គិរីវង្សសុខសែនជ័យ , កំពត និងកោះកុង  ។

លទ្ធផលចាប់ឆ្នោតឃើញថា៖

ក្លឹបព្រះខ័នរាជស្វាយរៀង ប្រកួតជាមួយ ក្លឹបវិសាខា

ខេត្តកោះកុង ប្រកួតជាមួយ សាលាបាល់ទាត់ជាតិបាទីអាយុក្រោម១៨ឆ្នាំ

វេស្ទើនភ្នំពេញ ប្រកួតជាមួយ បឹងកេត

សូលទីឡូអង្គរ ប្រកួតជាមួយ អង្គរថាយហ្គឺរ

អគ្គិសនីកម្ពុជា ប្រកួតជាមួយ ភ្នំពេញក្រោម

ណាហ្គាវើល ប្រកួតជាមួយ ខេត្តកំពត

ក្រសួងការពារជាតិ ប្រកួតជាមួយ អាស៊ីអឺរ៉ុបយូណាយធីត

អគ្គសន្នការដ្ឋាននគរបាលជាតិ ប្រកួតជាមួយ ក្លិបគិរីវង់សុខសែនជ័យ

សម្រាប់ការប្រកួតត្រូវធ្វើឡើងចំនួនពីរជើងពោលគឺក្រៅទឹកដីនិងក្នុងទឹកដី ការប្រកួតជើងទីមួយចាប់ផ្តើមនៅថ្ងៃទី ១១ ខែកក្កដា ខណៈជើងទីពីរ ចាប់ផ្តើមនៅថ្ងៃទី ១៨ ខែ កក្កដា ឆ្នាំ ២០១៨ ៕