ក្រុម​បាល់ទាត់​ល្បី​បំផុត​របស់​អ៊ីស្រាអែល បាន​សម្រេច​ចិត្ត​ប្តូរ​ឈ្មោះ​ខ្លួន​​ឯង ពី Beitar ទៅជា Beitar ‘Trump’ Jerusaleum FC ដើម្បី​ថ្លែងអំណរគុណ​ដល់​លោក​ប្រធានាធិបតីអាមេរិក ដូណាល់ ត្រាំ ដែលបាន​សម្រេច​ផ្លាស់ប្តូរទីតាំងស្ថានទូត​អាមេរិក ពីទីក្រុង Tel Aviv ទៅកាន់ទីកាន់​ទីក្រុង Jerusaleum។

ប្រកាស​ក្នុង​សេចក្តីថ្លែងការណ៍ ដែល​ផ្សព្វផ្សយ​តាមបណ្តាញ Facebook កាលពីថ្ងៃសៅរ៍ ក្រុម​បាល់ទាត់​នេះ បាន​បញ្ជាក់ថា ការ​ធ្វើបែបនេះ គឺដើម្បីបង្ហាញ​ពីគុណូបការៈគុណ ដល់​លោក​ដូណាល់​ ត្រាំ សម្រាប់​ការផ្លាស់ប្តូរ​ដ៏ក្លាហាននេះ។

គួរជម្រាបជូនថា តាំងពីលោក​ដូណាល់​ ត្រាំ ប្រកាស​ពីសេចក្តីសម្រេចិត្ត​ ក្នុងការ​ផ្លាស់ប្តូរ​ស្ថានទូតអាមេរិក​ប្រចាំប្រទេសអ៊ីស្រាអែល ពីទីក្រុង Tel Aviv ទៅកាន់ទីក្រុង​ Jeruseleum ប្រជាជន​អ៊ីស្រាអែល បាន​តាក់តែង​ឈ្មោះ​របស់លោក​ប្រធានាធិបតីអាមេរិករូបនេះ តាំងលើដងផ្លូវនានា ស្ថានីយ៍រថភ្លើង និង​កន្លែងសំខាន់ផ្សេងទៀត។ យ៉ាងណាក៏ដោយ ការសម្រេចចិត្ត​របស់​លោក​ត្រាំ បាន​ធ្វើ​ឲ្យ​មានភាពចម្រូងចម្រាស់ជាមួយ​បណ្តាសហគមន៍អន្តរជាតិ ពីព្រោះថាអ៊ីស្រាអែល ជា​រដ្ឋដែល​នៅមាន​ជាប់​វិបត្តិ​ជាមួយប៉ាឡេស្ទីន៕​