នៅថ្ងៃទី២៤ ខែកុម្ភៈ សហព័ន្ធកីឡាបាល់ទាត់ចិន (CFA) បានប្រកាសពីការចែកផ្លូវគ្រូបង្គោល Alexander Jankovic និងតែងតាំងលោក Branko Ivankovic ឱ្យដឹកនាំក្រុមជម្រើសជាតិ។

CCTV បានដកស្រង់សម្តីអ្នកនាំពាក្យរបស់ CFA ដែលនិយាយថា ការសម្រេចចិត្តខាងលើត្រូវបានធ្វើឡើងបន្ទាប់ពីកិច្ចប្រជុំដើម្បីវិភាគបរាជ័យរបស់ក្រុមក្នុងព្រឹត្តិការណ៍ Asian Cup  2023 ។ ក្រុមរបស់លោកគ្រូបង្គោល Jankovic មានកំណត់ត្រាសោកសៅក្នុងវគ្គចែកពូលនៃព្រឹត្តិការណ៍ Asian Cup នៅប្រទេសកាតានាពេលថ្មីៗនេះ។

ក្រុមបាល់ទាត់របស់ប្រទេសនេះបានបិទវគ្គចែកពូល Asian Cup 2023 ដោយទទួលបានចំណាត់ថ្នាក់លេខ ៣ ។ ពួក​គេ​ទទួល​បាន​២​ពិន្ទុ​មិន​អាច​ស៊ុត​បាល់​បញ្ចូល​ទី​បាន​មួយ​គ្រាប់ និងមានផលសងគ្រាប់បាល់ – ១។ ក្រុម​របស់​ចិន​បាន​បង្កើតគុណផល​លេង​ដ៏​អាក្រក់​បំផុត​ក្នុង​ប្រវត្តិសាស្ត្រ​រាល់​ពេល​ដែល​ពួកគេ​ចូលរួម​ក្នុងបាល់ទាត់​ដ៏ធំ​បំផុត​របស់​ទ្វីប។

គ្រូ​បង្វឹក Jankovic បាន​ដឹកនាំ​ក្រុម​ចិន​តាំង​ពី​ខែ​កុម្ភៈ ឆ្នាំ​២០២៣ បន្ទាប់​ពី​ទទួល​បន្ទុក​ក្រុម U23 របស់​ប្រទេស៕