Barcelona បានឈ្នះម្ចាស់ផ្ទះ Real Betis ១ទល់នឹង២ បង្កើនការនាំមុខលើកំពូលតារាង La Liga លើក្រុមលេខ២ Real Madrid ដល់ទៅ៨ពិន្ទុ។

អ្នកចាំទី Rui Silva របស់ Betis បានសង្គ្រោះបាល់​៣ដងពី Pedri មុន Raphinha បញ្ចប់ទីបានសម្រេចពីការ cross ដោយ Alejandro Balde។

Robert Lewandowski បានបន្ថែមមួយគ្រាប់ទៀតពីការតែតទម្លាក់ដោយ Ronaldo Araujo និងជាគ្រាប់ទី១៤របស់គេនៅរដូវកាល។

Jules Kounde បានភ្លាត់ចូលទីខ្លួនឯង ឲ្យ Betis តាមមួយគ្រាប់ពីក្រោយ តែ​លទ្ធផល១ទល់នឹង២បានបន្តដល់ចប់៩០នាទី។

ក្រោយកញ្ចែបន្លឺបញ្ចប់ការប្រកួត ខ្សែបម្រើ William Carvalho របស់ Betis ទទួលបានកាតក្រហមពីការតវាអាជ្ញាកណ្ដាល។

Barcelona បាន៥០ពិន្ទុពីការប្រកួត១៩លើក ខណៈ Real Madrid ដែលលេងបាន១៨ប្រកួត តាមពីក្រោយ៨ពិន្ទុ។ Real នឹង​កាត់បន្ថយ​ការនាំមុខនេះ ប្រសិនបើពួកគេឈ្នះ Valencia យប់នេះ៕