ខ្សែប្រយុទ្ធ Teerasil Dangda ដែលជា All Time Top Scorer នៃពានរង្វាន់ AFF Cup មិនបានគិតអ្វីលើសពីការបាន៣ពិន្ទុពេលពួកគេប្រកួតជាមួយហ្វីលីពីននៅថ្ងៃចន្ទ ទី២៦ ខែធ្នូ នេះនាកីឡដ្ឋាន Thammasat ។

បន្ទាប់​ពី​ដណ្តើម​បាន៣​ពិន្ទុ​ពេញ​ក្នុង​ការ​ប្រកួត​ជា​លើក​ដំបូង​របស់​ពួក​គេ​ក្រៅ​តទល់ព្រុយណេ កាល​ពី​ប៉ុន្មាន​ថ្ងៃ​មុន ក្រុម​ការពារ​តំណែង​ជើង​ឯក​ថៃ​ត្រូវការបន្តជ័យជម្នះយ៉ាងចាំបាច់​។

“យើងផ្តោតទាំងស្រុងលើការប្រកួតដំបូងរបស់យើងនៅផ្ទះ។ ក្រុមហ្វីលីពីនបានធ្វើការផ្លាស់ប្តូរជាច្រើនចំពោះក្រុមរបស់ពួកគេ ប៉ុន្តែយើងកំពុងទន្ទឹងរង់ចាំការប្រកួតដ៏ជោគជ័យ។” នេះជាការថ្លែងរបស់ Teerasil វ័យ៣៤ឆ្នាំដែលបានបង្កើតកំណត់ត្រានៃការរកគ្រាប់បាល់បញ្ចូលទី២០គ្រាប់នៅ AFF Cup (គិតសរុប)។ គេបានបង្ហាញខ្លួនជាលើកដំបូងក្នុងឆ្នាំ២០០៨។

ថៃទើបប្រកួតបានមួយលើកប៉ុណ្ណោះ ដោយឈ្នះព្រុយណេ ០ទល់នឹង៥។ ចំណែកហ្វីលីពីន ចាញ់កម្ពុជា និងឈ្នះព្រុយណេ៕