ប្រធានក្រុម Harry Kane និយាយថា ខ្លួនទទួលខុសត្រូវចំពោះការទាត់បាល់ប៉េណាល់ទីមិនចូល ដែលរួមចំណែកធ្វើឱ្យអង់គ្លេសចាញ់បារាំង ១ទល់នឹង២ ក្នុងវគ្គ៨ក្រុមចុងក្រោយ FIFA World Cup 2022។

Kane បាន​និយាយ​ក្រោយ​ការ​ប្រកួត​នៅ Al Bayt ថា “៖ ក្នុង​នាម​ជា​ប្រធាន​ក្រុម ខ្ញុំ​ទទួល​ខុស​ត្រូវ​ចំពោះ​ការ​​ទាត់ប៉េណាល់ទីនេះ។ វានឹងធ្វើឱ្យអ្នកឈឺចាប់ជារយៈពេលវែង ប៉ុន្តែនោះជាផ្នែកនៃការធ្វើជាប្រធានក្រុម។ អ្នកត្រូវតែទទួលខុសត្រូវ ហើយខ្ញុំនឹងទទួលវានៅថ្ងៃនេះ។”

ខ្សែប្រយុទ្ធមកពី Tottenham Hotspur ទទួលបានបាល់១១ម៉ែត្រក្នុងនាទី៥៤ និងទាត់ចូលតាមស្មើឲ្យអង់គ្លេស។ ដល់នាទី៨៤ ក្រុមតោកំណាចបានបាល់១១ម៉ែត្រម្ដង ហើយ Kane ក៏ទាត់ទៀត​ តែមិនចូល។

ក្រុមជម្រើសជាតិបារាំងក៏បានឡើងទៅកាន់វគ្គពាក់កណ្ដាលផ្ដាច់ព្រ័ត្រ និង​ត្រូវប៉ះម៉ារ៉ុក៕