ហ្វីលីពីនតែងតាំងអតីតគ្រូយុវជន Barca ជាគ្រូបង្គោលថ្មីមុនប៉ះកម្ពុជានៅ AFF Cup
អតីតគ្រូបង្វឹក FC Barcelona Academy លោក Josep Ferré Ybarz ត្រូវបានតែងតាំងជាគ្រូបង្គោលថ្មីជម្រើសជាតិហ្វីលីពីន កាលថ្ងៃព្រហស្បតិ៍ ទី០៨ ខែធ្នូ ជំនួសលោក Thomas Dooley។
ដូច្នេះភារកិច្ចដំបូងរបស់បុរសជនជាតិអេស្ប៉ាញខាងលើ គឺដឹកនាំជម្រើសជាតិហ្វីលីពីនប្រកួត AFF Cup 2022 ដែលពួកគេស្ថិតក្នុងពូល A ជាមួយកម្ពុជា និងប្រកួតគ្នានៅពហុកីឡដ្ឋានជាតិមរតកតេជោ នៅថ្ងៃទី២០ ខែធ្នូ។
លោក Josep Ferre វ័យ៣៩ឆ្នាំក៏ធ្លាប់ធ្វើជាអ្នកចាត់ការក្រុមថ្នាល Buriram United, ជាគ្រូបង្គោល Ratchaburi Mltr Phol និង Bangkok Glass ផងដែរ៕
