Harry Maguire ត្រូវបានគេថតជាប់ជាមួយស្នាមញញឹម ពេល Manchester United របស់គេត្រូវបាន Manchester City នាំំមុខ៦ទល់នឹង១ ក្នុងការប្រកួត Premier League នៅថ្ងៃអាទិត្យ ទី០២ ខែតុលា ឆ្នាំ២០២២។

កាមេរ៉ាបានចាប់មុខរបស់គេក្នុងនាទី៨៤ពេល Man City កំពុងនាំមុខ​៦ទល់នឹង១។ គេមិនច្បាស់ថាតើ Maguire កំពុងញញឹម ឬយ៉ាងណាទេ ប៉ុន្តែកីឡាករក្មេងៗនៅក្បែរហ្នឹងដែលមាន Alejandro Garnacho ផងនោះ បង្ហាញទឹកមុខស្ងាត់ស្ងៀម។

Maguire មិនបានលេងទេ ដោយសារតែបញ្ហារបួស។ ប៉ុន្តែគេនៅតែចូលអង្គុយដើម្បីលើកទឹកចិត្តក្រុម។

អតីតកីឡាករ Leicester City រូបនេះបានចូលលេង១១នាក់២ប្រកួតដំបូងដែលចាញ់ Brighton ១ទល់នឹង២ និងចាញ់ Brentford ៤ទល់នឹង០។ គេបានបន្តបង្កកំហុសក្នុងជម្រើសជាតិអង់គ្លេស ពេលស្មើអាល្លឺម៉ង់ ២ទល់នឹង២៕