លោក Brad Maloney អាចនឹងប្រឈមការបណ្ដេញចេញ ក្រោយការប្រកួតចុងក្រោយប្រចាំពូល C នៃព្រឹត្តិការណ៍ AFC U23 Championship 2022 នៅថ្ងៃពុធ ទី០៨ ខែមិថុនា។

ប្រធានសហព័ន្ធបាល់ទាត់ម៉ាឡេស៊ី លោក Hamidin Mohd Amin និយាយថា លោកនឹងរង់ចាំព័ត៌មានលម្អិតពីបរាជ័យនៅ AFC U23 Championship មុនធ្វើសេចក្ដីសម្រេចពីអនាគតលោក Maloney ខណៈកិច្ចសន្យារបស់លោកមានសុពលភាពដល់ដាច់ខែធ្នូ ឆ្នាំ២០២៣។

ក្រោយ​ចាញ់​​កូរ៉េខាងត្បូង និង​ថៃ U23 ម៉ាឡេស៊ី​អស់​ឱកាស​ឡើងទៅវគ្គបន្ត​ទៀត​ហើយ។។ ប្រធានសហព័ន្ធបាល់ទាត់ម៉ាឡេស៊ី បាននិយាយថា វានឹងមិនយុត្តិធម៌ទេ ក្នុងការវាយតម្លៃលើគុណផលរបស់លោក Maloney និងក្រុម។

គួររំឭកថា លោក Maloney បានចូលកាន់តំណែងជាគ្រូ U23 ម៉ាឡេស៊ី ក្នុងឆ្នាំ២០២១ ក្រោយធ្លាប់កាន់ការងារជាគ្រូជំនួសជម្រើសជាតិម៉ាឡេស៊ី និងគ្រូធំ U19។ កាលស៊ីហ្គេមនៅវៀតណាម U23 ម៉ាឡេស៊ី បានចំណាត់ថ្នាក់លេខ៤៕