ក្លិប Tottenham Hotspur នឹងផ្តល់នូវប្រាក់លើកទឹកចិត្តយ៉ាងច្រើនដល់អ្នកចាត់ការលោក Antonio Conte គឺប្រមាណ​ ២,៥ លានផោន ប្រសិនបើលោក ​អាច​ដឹកនាំ​ក្លឹបជាប់​ Top 4 នៅ​ Premier League ​រដូវកាល​នេះ ដែល​ធ្វើ​ឲ្យ​ ពួកគេបាន​កៅអី​ទៅ​ UEFA Champions League ​រដូវកាល​ក្រោយ​។

បុរសជនជាតិអ៊ីតាលី បាន​មក​ដឹកនាំ​ Spurs ចាប់​តាំង​ពី​ខែ​វិច្ឆិកា​ ឆ្នាំ​២០២១​ ដោយបានជួយក្លិបមាន់ខា្នយមាសឡើង​ពី​លេខ​៩ រហូត​មក​ឈរ​នៅ​ក្នុង​លំដាប់​ទី​៤ ក្នុង​តារាង​ប្រកួត​ Premier League គិតត្រឹមសប្តាហ៍ទី៣៧​ ដោយ​​មាន​ ៦៨ពិន្ទុ​ ។

យ៉ាង​ណា​ក្ដី​ ឱកាស​ Spurs ស្ថិត​ក្នុង​ Top 4 គឺ​នៅ​មាន​ភាព​មិន​ច្បាស់​លាស់​នៅ​ឡើយ​ទេ​ ដោយ​ត្រូវ​សម្រេច​លើ​មួយ​ប្រកួត​ចុង​ក្រោយ​តទល់នឹង​ Norwich City ក្នុង​សប្ដាហ៍​នេះ​ ព្រោះ​តែ​ Arsenal ឈរ​នៅ​លេខ​ ៥​នៃ​តារាង Premier League មាន​ ៦៦ពិន្ទុ​ និង​សល់​មួយ​ប្រកួត​ដូច​គ្នា​គឺ​តទល់នឹង​ Everton ។​​ ដូច្នេះ​ Spurs ត្រូវការ​តែ​១ពិន្ទុទៀតក្នុងប្រកួត Premier League ដើម្បីឈរ​នៅ​ Top 4 នឹង​បាន​កៅអី​ទៅ​លេង​ UCL នៅ​រដូវកាល​ក្រោយនេះហើយ៕

The Nightmare