Mourinho ចង់បានកីឡាករ៣នាក់របស់ Man UTD ទៅ Roma
Diogo Dalot Eric Bailly និង Nemanja Matic ស្ថិតក្នុងចំណោមកីឡាករ៣នាក់របស់ Manchester United ដែលលោក Jose Mourinho ចង់នាំយកទៅ AS Roma រដូវកាលក្រោយ។
សារព័ត៌មាន Manchester Evening News ផ្សាយថា អតីតអ្នកចាត់ការ Man UTD ខាងលើបានមើលឃើញពីគុណភាពរបស់អ្នកទាំង៣ ហើយតម្លៃក៏សមរម្យដែល Roma អាចនាំយកទៅពង្រឹងក្រុមរដូវកាលក្រោយបាន។
Matic នឹងចាកចេញពី Old Trafford ដោយឥតតម្លៃខ្លួនក្រោយដាច់រដូវកាលនេះ តែមិនអាចដឹងថា ទៅណាទៀតទេ។ គេទំនងជាអាចទទួលយកជម្រើសទៅ Roma ដោយសារតែទំនាក់ទំនងជិតស្និទ្ធជាមួយលោក Mourinho។
ជាក់ស្ដែង Matic ធ្លាប់ត្រូវលោក Mourinho ទិញទៅ Chelsea ហើយក៏បន្តទៅ Man UTD ជាមួយគ្នាទៀត៕
