គ្រូអង់គ្លេសថា មិនដែលគិតពីរឿងដក Maguire ពីជម្រើសជាតិទេ
ខ្សែការពារ Harry Maguire នៅតែបន្តជាប់ឈ្មោះក្នុងក្រុមបាល់ទាត់ជម្រើសជាតិអង់គ្លេស ទោះបីរងការរិះគន់ខ្លាំងចំពោះគុណផលរបស់គេនៅ Manchester United។
លោក Gareth Southgate គ្រូបង្គោលជម្រើសជាតិអង់គ្លេសនៅតែបន្តចុចឈ្មោះ Maguire ចូលបញ្ជីសម្រាប់ការប្រកួតមិត្តភាពតទល់ស្វីស និងកូឌីវ័រ។ លោកថា លោកមិនដែលគិតពីរឿងទម្លាក់ប្រធានក្រុម Manchester United ខាងលើឡើយ។
គ្រូបង្វឹកក្រុមរហស្សនាមតោកំណាចដដែលសង្កត់ធ្ងន់ថា Maguire ស្ថិតក្នុងចំណោមខ្សែការពារដ៏ល្អ។
Maguire ស្ថិតក្នុងចំណោមកីឡាករ២៥រូបក្នុងបញ្ជីកីឡាករអង់គ្លេស ដែលក្នុងនោះក៏មានមិត្តរួមក្រុម Luke Shaw ផងដែរ ប៉ុន្តែ Jadon Sancho និង Marcus Rashford មិនត្រូវបានកោះហៅទេ៕