មួយគ្រាប់ពី Alex Berenguer ក្នុងនាទី៨៩បានបញ្ជូន Athletic Bilbao ទៅកាន់វគ្គពាក់កណ្ដាលផ្ដាច់ព្រ័ត្រពានរង្វាន់ Copa del Rey តាមរយៈជ័យជម្នះ ១ទល់នឹង០ លើ Real Madrid។

កីឡាករបម្រុង Berenguer បានកិបខ្សែការពារ Real Madrid ហើយទាត់បញ្ចូលទីចូលមុំ៩០យ៉ាងល្អ។

Bilbao កំពុងសម្លឹងឆ្ពោះទៅកាន់វគ្គផ្ដាច់ព្រ័ត្រពានរង្វាន់ដ៏ធំមួយនេះជាលើកទី៣ជាប់ៗគ្នា។

ដោយឡែក បរាជ័យនេះបានផ្ដាច់ក្ដីសង្ឃឹមរបស់ Real Madrid ក្នុងការយកពានក្នុងស្រុកទាំង២នៅរដូវកាលតែមួយ ខណៈបច្ចុប្បន្នកំពុងនាំមុខកំពូលតារាង La Liga ពីលើ Sevilla ៤ពិន្ទុ។

Bilbao នឹងចូលរួមវគ្គពាក់កណ្ដាលផ្ដាច់ព្រ័ត្រជាមួយ Valencia, Real Betis និង Rayo Vallecano៕