Tottenham Hotspur នឹងក្លាយជាទ្រនំថ្មីរបស់គ្រូបង្វឹក Antonio Conte។

សារព័ត៌មាន Sky Sports បានរាយការណ៍ថា “៖ លោក Antonio Conte បានយល់ព្រមធ្វើជាគ្រូបង្គោល Tottenham។ នៅថ្ងៃទី០២ ខែវិច្ឆិកា បុរសជនជាតិអ៊ីតាលីនឹងចុះកិច្ចសន្យារហូតដល់ខែធ្នូ ឆ្នាំ២០២៣។”

នាយកកីឡាក្រុមរហស្សនាមមាន់ខ្នាយមាស លោក Fabio Paratici បានចរចាដោយផ្ទាល់ជាមួយលោក Conte និងបានផ្លាស់ផ្នត់គំនិតរបស់គ្រូបង្វឹកជនជាតិអ៊ីតាលី។ លោកក៏ចង់ទៅធ្វើគ្រូ Man UTD ដែរប្រសិនបើលោក Ole Gunnar Solskjaer ត្រូវបណ្ដេញចេញ។

តាមពិតទៅលោក Conte ក៏ធ្លាប់ត្រូវបាន Spurs ទាក់ទងដែរមុនតែងតាំងលោក Nuno Espirito Santo តែមិនបានឈានដល់កិច្ចព្រមព្រៀងទេ។

គួរដឹងដែរថា Tottenham Hotspur បានបញ្ចប់តំណែងលោក Nuno Espirito Santo កាលថ្ងៃចន្ទ ទី០១ ខែវិច្ឆិកា ក្រោយដឹកនាំបាន៥ខែ។

គេជឿថា Spurs មានកីឡាករល្អគ្រប់គ្រាន់សម្រាប់យុទ្ធសាស្ត្រលោក Antonio Conte ដែលចូលលេងប្រព័ន្ធ ៣-៥-២៕