ខ្សែបម្រើ Paul Pogba ត្រូវគេរាយការណ៍មកថា បានសម្រេចចិត្តបន្តនៅជាមួយ Manchester United នារដូវកាលនេះ ប៉ុន្តែមិនទាន់ព្រមនៅក្នុងចុះកុងត្រាថ្មីនៅឡើយទេ។

ការសម្រេចចិត្តបែបនេះគឺដោយសារតែកីឡាករសញ្ជាតិបារាំងឃើញអំពីមហិច្ឆតានៃការចង់ឈ្នះពានរបស់គ្រូបង្វឹក Ole Gunnar Solskjaer នៅរដូវកាលនេះ រួមជាមួយនឹងការនាំចូលសមាជិកថ្មីដើម្បីការប្រជែងជើងឯកក្របខ័ណ្ឌ Premier League នារដូវកាលថ្មីនេះថែមទៀតផង។

យ៉ាងណាក្តីបើសិនជា ក្រុមរហស្សនាមបិសាចក្រហមនៅតែមិនអាចមានឈ្នះពានបានអ្វីសោះនៅឆ្នាំថ្មីនេះ អតីតសមាជិក Juventus នឹងចាកចេញពីទឹកដីអង់គ្លេសហើយអាចផ្លាស់ទៅកាន់ PSG ឬក៏ Real Madrid ដោយមិនមានតម្លៃខ្លួនហើយ។

គួររំលឹកថា ខ្សែបម្រើ Paul Pogba​​ បានផ្លាស់ត្រឡប់មកកាន់ Manchester United វិញនៅឆ្នាំ២០១៦ក្នុងតម្លៃផ្ទេរឯតទគ្គកម្ម១០០លានអឺរ៉ូពី Juventus ក្រោមរជ្ជកាលដឹកនាំរបស់គ្រូបង្វឹក Jose Mourinho។