ចាប់ឆ្នោតថ្ងៃនេះនឹងដឹងគូប្រកួតក្រុមជម្រើសជាតិ នៅ AFC Asian Cup 2023
សហព័ន្ធបាល់ទាត់កម្ពុជាបានប្រកាសថា ការចាប់ឆ្នោតវគ្គ Play-off នៃការប្រកួតពានរង្វាន់បាល់ទាត់ទ្វីបអាសុី ( AFC Asian Cup 2023) នឹងធ្វើឡើងនៅរសៀលនេះវេលាម៉ោង២ រសៀល ។
យោងតាមការកែប្រែរូបមន្តប្រកួតថ្មី នៅក្នុងកម្មវិធីជម្រុះជើងឯកប្រចាំទ្វីប 2023 AFC Asian Cup China វគ្គជម្រុះមាន កម្ពុជា, ឥណ្ឌូណេស៊ី, កោះហ្គាម និងតៃវ៉ាន់។
ក្រុមកម្ពុជា និងឥណ្ឌូណេស៊ី ស្ថិតនៅ Pot 1 ហើយកោះហ្គាម និងតៃវ៉ាន់ ស្ថិតនៅ Pot 2 ។
ដូច្នេះកម្ពុជា អាចជួបកោះហ្គាម ឬ តៃវ៉ាន់។ Pot ទាំង២នេះ ត្រូវចាប់ឆ្នោតជ្រើសរើសគូនៅថ្ងៃទី២៤ខែមិថុនា ហើយការប្រកួតធ្វើឡើងជើងទី១ នៅថ្ងៃទី៧ ខែ កញ្ញា និង ជើងទី២ធ្វើឡើងនៅថ្ងៃទី ១២ ខែ តុលា ឆ្នាំ២០២១។ អ្នកឈ្នះ២ក្រុមមានឈ្មោះឡើងទៅលេងនៅវគ្គចែកពូលជុំទី២។
