មកដឹងស្នាដៃធំៗរបស់គ្រូបារ៉ែន មុនប៉ះកម្ពុជាយប់នេះ
លោក Helio Sousa គឺជាគ្រូបង្គោលក្រុមបាល់ទាត់ជម្រើសជាតិបារ៉ែន តាំងពីឆ្នាំ២០១៩។
បុរសជនជាតិព័រទុយហ្គាល់ធ្លាប់ជាខ្សែបម្រើក្លិប Vitoria Setubal ពីចន្លោះឆ្នាំ១៩៨៧ដល់២០០៥។ ក្រោយចូលនិវត្តន៍ជាកីឡាករក្នុងឆ្នាំ២០០៥ បុរសវ័យ៥១ឆ្នាំបានផ្ដើមការងារជាគ្រូបង្វឹកនៅ Vitoria Setubal ដដែលនេះភ្លាមៗតែម្ដង ដល់ឆ្នាំ២០០៨ ក៏ផ្លាស់ទៅក្លិបលីគទី២មួយដល់ឆ្នាំ២០០៩។
ពីចន្លោះឆ្នាំ២០១០ ដល់២០១៩ លោកបានចូលធ្វើគ្រូបង្គោលក្រុមយុវជនជម្រើសជាតិព័រទុយហ្គាល់ និងបានឈ្នះជើងឯក EURO U17 2016 និង EURO U19 2018។
ដល់ដើមឆ្នាំ២០១៩ លោកបានចូលដឹកនាំក្រុមជម្រើសជាតិបារ៉ែនវិញម្ដង ហើយបានឈ្នះពានរង្វាន់អាស៊ីខាងលិច ឆ្នាំ២០១៩ និង Arabian Gulf 2019។
នេះជាស្នាដៃសំខាន់ៗរបស់លោក Helio Sousa គ្រូបង្គោលក្រុមបាល់ទាត់ជម្រើសជាតិបារ៉ែន ដែលត្រូវប្រកួតជាមួយកម្ពុជាវេលាម៉ោង១១និង៣០នាទីយប់ ម៉ោងនៅកម្ពុជា យប់ថ្ងៃព្រហស្បតិ៍ ទី០៣ ខែមិថុនា នេះតែម្ដង។
៥ប្រកួតក្នុងពូល C នៃវគ្គជម្រុះ FIFA World Cup 2022 បារ៉ែនឈរចំណាត់ថ្នាក់លេខ២ មាន៩ពិន្ទុ ក្រោមក្រុមកំពូលតារាងអ៊ីរ៉ាក់ ២ពិន្ទុ។ កាលជើងទី១ កម្ពុជាចាញ់បារ៉ែន០ទល់នឹង១ កាលថ្ងៃទី១០ ខែកញ្ញា ឆ្នាំ២០១៩៕
