Liverpool ឲ្យ Southampton ខ្ចីខ្សែប្រយុទ្ធជប៉ុន Minamino
ក្លិបបាល់ទាត់ Liverpool បានប្រកាសលើវិបសាយរបស់ខ្លួនថា ខ្សែប្រយុទ្ធជប៉ុន Takumu Minamino នឹងចូលរួមជាមួយក្លិបគូប្រជែង Southampton លើលក្ខខណ្ឌខ្ចីដល់ដាច់រដូវកាល។
កីឡាករវ័យ២៦ឆ្នាំបានផ្លាស់ពី Red Bull Ssalzburg ទៅហង្សក្រហមកាលខែមករា ឆ្នាំ២០២០ និងលេងបាន៣១ប្រកួត រកបាន៤គ្រាប់។
ក្នុងចំណោម៣១ប្រកួតនោះ គេជាប់ជម្រើស១១នាក់ដំបូងបានតែ៤ដងប៉ុណ្ណោះនៅ Premier League។
អតីតសមាជិក Cerezo Osaka ត្រូវបាននាំយកទៅកីឡដ្ឋាន St. Mary’s ដើម្បីជំនួសខ្សែប្រយុទ្ធ Shane Long ដែលទៅចូលរួមជាមួយ Bournemouth លើលក្ខខណ្ឌខ្ចី។
លោក Ralph Hasenhuttl អ្នកចាត់ការ Southampton និយាយថា វត្តមានរបស់ Takumi នឹងផ្ដល់ជម្រើសប្រយុទ្ធយ៉ាងល្អដល់ក្រុម។
Southampton បានងាកទៅជ្រើសរើស Minamino បន្ទាប់ពីបរាជ័យលើការផ្ទេរកីឡាករផ្សេងទៀត។ ឆ្លងកាត់ការប្រកួត២០លើក Southampton ស្ថិតនៅលេខ១១ មាន២៩ពិន្ទុ៕