ខ្សែប្រយុទ្ធ Odion Ighalo បានផ្ញើសារលា Manchester United ហើយក្រោយកិច្ចសន្យាខ្ចីរបស់គេអស់សុពលភាព។

កីឡាករដែលបិសាចក្រហមខ្ចីពី Shanghai Shenhua សរសេររៀបរាប់បែបនេះ “៖វាពិតជាពិបាកណាស់ដែលត្រូវបញ្ចប់សុបិន។ យ៉ាងណា សូមអរគុណព្រះជាម្ចាស់ដែលបានផ្ដល់ឱកាសដល់ខ្ញុំបំពេញក្ដីសុបិននេះក្នុងនាមជាកីឡាករម្នាក់របស់ Man UTD ហើយវាពិតជាកិត្តិយសណាស់។ ខ្ញុំសូមអរគុណសមាជិកទាំងអស់ដែលបានផ្ដល់ទំនុកចិត្តដល់ខ្ញុំ។ ខ្ញុំសូមជូនពរក្លិបទទួល​បានជោគជ័យនៅ Premier League និង FA Cup រដូវកាលនេះ។”

Odion Ighalo បានចូលរួមជាមួយ Manchester United ពីក្លិបកំពូលចិន Shanghai Shenhua លើកិច្ចសន្យាខ្ចីតាំងពីរដូវកាលមុនម្ល៉េះ។

តាមពិត Ighalo គឺជាអ្នកស្រលាញ់ Manchester United ម្នាក់តាំងពីតូចម្ល៉េះ។ សុបិននៃការចូលលេងនៅបិសាចក្រហមរបស់គេក៏បានក្លាយជាការពិត។ យ៉ាងណា បន្ទាប់ពីការមកដល់របស់ Edison Cavani ឱកាសរបស់​ Ighalo ក៏បានរសាត់ទៅបាត់វិញ៕