ប្រធានក្រុមរបស់ AZ Alkmaar គឺ Teun Koopmeiners កំពុងតែទាក់ទាញចំណាប់អារម្មណ៍ពីបណ្តា​ក្លិប​មួយ​ចំនួន​នៅ Premier League រីឯ Jonny Evan នៅ​តែ​ធានា​កៅ​អី​នៅក្របខណ្ឌ​កំពូល​អង់គ្លេស​ដដែល​។

កាសែត The Telegraph និយាយថា  Leeds កំពុងរៀបចំផែនការមួយសម្រាប់ការ​នាំ​យក​ Koopmeiners មក​កាន់​ទឹក​ដី Ellan Road របស់​ខ្លួន។ ក៏​ប៉ុន្តែ​កីឡាករវ័យ ២២ ឆ្នាំដែល​អាចលេងជាខ្សែបម្រើកណ្តាលឬខ្សែការពារកណ្តាលដែល​កំពុង​តែ​លេង​អោយ​ក្រុម​ជម្រើស​ជាតិ ហូឡង់នៅអាយុក្រោម ២១ ឆ្នាំរូប​នេះ​ក៏​កំពុង​តែ​ទទួល​បានការ​ចំណាប់អារម្មណ៍ពី AC Milan និង Everton ក្នុងកិច្ចព្រមព្រៀងដែលមានតម្លៃជាង ១០ លានផោនផង​ដែរ​។

ដោយ​ឡែក​អ្នក​ចាត់​ការណ៍​ទូរទៅ​របស់​ Leicester City លោក Brendan Rodgers ឯណោះ​វិញ​បានចេញ​មុខ​ប្រាប់​ដល់​សារព័ត៌មាន​ដែល​បាន​ចុះ​ផ្សាយ​នូវ​ដំណឹង​មិន​ពិត​ពីពេល​កន្លង​មក​ថាការលក់ Jonny Evans គឺមិនមាននៅក្នុងផែនការរបស់គាត់ទេ។ មានការសង្ស័យលើអនាគតរបស់អតីតខ្សែការពារក្រុមបិសាចក្រហម Manchester United បន្ទាប់ពីសារព័ត៌មាន​ Fox បាន​ផ្សាយ​ពី​ការ​លួច​ទាក់​ទង​រវាង​ក្លិប​ជាមួយកីឡាករ​ James Tarkowski របស់ Burnley ខ្សែការពារ St Etienne Wesley Fofana និង Jonathan Tah របស់​ Bayer Leverkusen ។

Rodgers បាននិយាយថា “Jonny ច្បាស់ជាកីឡាករដែលខ្ញុំចង់រក្សានៅទីនេះ។ គេពិតជាអស្ចារ្យណាស់មិនត្រឹមតែនៅក្នុងការប្រកួតប៉ុណ្ណោះទេប៉ុន្តែនៅគេ​បាន​ចូល​រួម​ផ្នែក​បណ្តុះបណ្តាលនឹងការកំណត់ស្តង់ដារអោយ​ក្រុម​ព្រម​ទាំង​មាន​ចិត្តគំនិតល្អ​។ ខ្ញុំជឿជាក់ថាការពិភាក្សានឹងបន្តរវាងភ្នាក់ងាររបស់ Jonny និងក្លឹបហើយសង្ឃឹមថាយើងអាចរកដំណោះស្រាយដើម្បីរក្សាគេ​ឲ្យ​នៅទីនេះជាបន្ត​”។